תנ"ך מבואר

ספר ירמיהו פרק מא

1 וַיְהִי בַּחֹדֶשׁ הַשְּׁבִיעִי, בָּא יִשְׁמָעֵאל בֶּן־נְתַנְיָה בֶן־אֱלִישָׁמָע מִזֶּרַע הַמְּלוּכָה וְרַבֵּי הַמֶּלֶךְ וַעֲשָׂרָה אֲנָשִׁים אִתּוֹ אֶל־גְּדַלְיָהוּ בֶן־אֲחִיקָם הַמִּצְפָּתָה; וַיֹּאכְלוּ שָׁם לֶחֶם יַחְדָּו בַּמִּצְפָּה׃ 2 וַיָּקָם יִשְׁמָעֵאל בֶּן־נְתַנְיָה וַעֲשֶׂרֶת הָאֲנָשִׁים אֲשֶׁר־הָיוּ אִתּוֹ, וַיַּכּוּ אֶת־גְּדַלְיָהוּ בֶן־אֲחִיקָם בֶּן־שָׁפָן בַּחֶרֶב וַיָּמֶת אֹתוֹ; אֲשֶׁר־הִפְקִיד מֶלֶךְ־בָּבֶל בָּאָרֶץ׃ 3 וְאֵת כָּל־הַיְּהוּדִים, אֲשֶׁר־הָיוּ אִתּוֹ אֶת־גְּדַלְיָהוּ בַּמִּצְפָּה, וְאֶת־הַכַּשְׂדִּים אֲשֶׁר נִמְצְאוּ־שָׁם; אֵת אַנְשֵׁי הַמִּלְחָמָה, הִכָּה יִשְׁמָעֵאל׃ 4 וַיְהִי בַּיּוֹם הַשֵּׁנִי לְהָמִית אֶת־גְּדַלְיָהוּ; וְאִישׁ לֹא יָדָע׃ 5 וַיָּבֹאוּ אֲנָשִׁים מִשְּׁכֶם מִשִּׁלוֹ וּמִשֹּׁמְרוֹן שְׁמֹנִים אִישׁ, מְגֻלְּחֵי זָקָן וּקְרֻעֵי בְגָדִים וּמִתְגֹּדְדִים; וּמִנְחָה וּלְבוֹנָה בְּיָדָם, לְהָבִיא בֵּית יהוה׃ 6 וַיֵּצֵא יִשְׁמָעֵאל בֶּן־נְתַנְיָה לִקְרָאתָם מִן־הַמִּצְפָּה, הֹלֵךְ הָלֹךְ וּבֹכֶה; וַיְהִי כִּפְגֹשׁ אֹתָם, וַיֹּאמֶר אֲלֵיהֶם, בֹּאוּ אֶל־גְּדַלְיָהוּ בֶן־אֲחִיקָם׃ {ס} 7 וַיְהִי כְּבוֹאָם אֶל־תּוֹךְ הָעִיר; וַיִּשְׁחָטֵם יִשְׁמָעֵאל בֶּן־נְתַנְיָה אֶל־תּוֹךְ הַבּוֹר, הוּא וְהָאֲנָשִׁים אֲשֶׁר־אִתּוֹ׃ 8 וַעֲשָׂרָה אֲנָשִׁים נִמְצְאוּ־בָם, וַיֹּאמְרוּ אֶל־יִשְׁמָעֵאל אַל־תְּמִתֵנוּ, כִּי־יֶשׁ־לָנוּ מַטְמֹנִים בַּשָּׂדֶה, חִטִּים וּשְׂעֹרִים וְשֶׁמֶן וּדְבָשׁ; וַיֶּחְדַּל וְלֹא הֱמִיתָם בְּתוֹךְ אֲחֵיהֶם׃ 9 וְהַבּוֹר, אֲשֶׁר הִשְׁלִיךְ שָׁם יִשְׁמָעֵאל אֵת כָּל־פִּגְרֵי הָאֲנָשִׁים, אֲשֶׁר הִכָּה בְּיַד־גְּדַלְיָהוּ, הוּא, אֲשֶׁר עָשָׂה הַמֶּלֶךְ אָסָא, מִפְּנֵי בַּעְשָׁא מֶלֶךְ־יִשְׂרָאֵל; אֹתוֹ, מִלֵּא יִשְׁמָעֵאל בֶּן־נְתַנְיָהוּ חֲלָלִים׃ 10 וַיִּשְׁבְּ יִשְׁמָעֵאל אֶת־כָּל־שְׁאֵרִית הָעָם אֲשֶׁר בַּמִּצְפָּה, אֶת־בְּנוֹת הַמֶּלֶךְ וְאֶת־כָּל־הָעָם הַנִּשְׁאָרִים בַּמִּצְפָּה, אֲשֶׁר הִפְקִיד, נְבוּזַרְאֲדָן רַב־טַבָּחִים, אֶת־גְּדַלְיָהוּ בֶּן־אֲחִיקָם; וַיִּשְׁבֵּם יִשְׁמָעֵאל בֶּן־נְתַנְיָה, וַיֵּלֶךְ לַעֲבֹר אֶל־בְּנֵי עַמּוֹן׃ {ס}
11 וַיִּשְׁמַע יוֹחָנָן בֶּן־קָרֵחַ, וְכָל־שָׂרֵי הַחֲיָלִים אֲשֶׁר אִתּוֹ; אֵת כָּל־הָרָעָה אֲשֶׁר עָשָׂה, יִשְׁמָעֵאל בֶּן־נְתַנְיָה׃ 12 וַיִּקְחוּ אֶת־כָּל־הָאֲנָשִׁים, וַיֵּלְכוּ, לְהִלָּחֵם עִם־יִשְׁמָעֵאל בֶּן־נְתַנְיָה; וַיִּמְצְאוּ אֹתוֹ, אֶל־מַיִם רַבִּים אֲשֶׁר בְּגִבְעוֹן׃ 13 וַיְהִי, כִּרְאוֹת כָּל־הָעָם אֲשֶׁר אֶת־יִשְׁמָעֵאל, אֶת־יוֹחָנָן בֶּן־קָרֵחַ, וְאֵת כָּל־שָׂרֵי הַחֲיָלִים אֲשֶׁר אִתּוֹ; וַיִּשְׂמָחוּ׃ 14 וַיָּסֹבּוּ כָּל־הָעָם, אֲשֶׁר־שָׁבָה יִשְׁמָעֵאל מִן־הַמִּצְפָּה; וַיָּשֻׁבוּ וַיֵּלְכוּ, אֶל־יוֹחָנָן בֶּן־קָרֵחַ׃ 15 וְיִשְׁמָעֵאל בֶּן־נְתַנְיָה, נִמְלַט בִּשְׁמֹנָה אֲנָשִׁים, מִפְּנֵי יוֹחָנָן; וַיֵּלֶךְ אֶל־בְּנֵי עַמּוֹן׃ {ס} 16 וַיִּקַּח יוֹחָנָן בֶּן־קָרֵחַ וְכָל־שָׂרֵי הַחֲיָלִים אֲשֶׁר־אִתּוֹ, אֵת כָּל־שְׁאֵרִית הָעָם אֲשֶׁר הֵשִׁיב מֵאֵת יִשְׁמָעֵאל בֶּן־נְתַנְיָה מִן־הַמִּצְפָּה, אַחַר הִכָּה, אֶת־גְּדַלְיָה בֶּן־אֲחִיקָם; גְּבָרִים אַנְשֵׁי הַמִּלְחָמָה, וְנָשִׁים וְטַף וְסָרִסִים, אֲשֶׁר הֵשִׁיב מִגִּבְעוֹן׃ 17 וַיֵּלְכוּ, וַיֵּשְׁבוּ בְּגֵרוּת כמוהם (כִּמְהָם), אֲשֶׁר־אֵצֶל בֵּית לָחֶם; לָלֶכֶת לָבוֹא מִצְרָיִם׃ 18 מִפְּנֵי הַכַּשְׂדִּים, כִּי יָרְאוּ מִפְּנֵיהֶם; כִּי־הִכָּה יִשְׁמָעֵאל בֶּן־נְתַנְיָה, אֶת־גְּדַלְיָהוּ בֶּן־אֲחִיקָם, אֲשֶׁר־הִפְקִיד מֶלֶךְ־בָּבֶל בָּאָרֶץ׃ {ס}
1 בחודש תשרי בא ישמעאל בן נתניה בן אלישמע ממשפחת המלוכה, אחד משריו החשובים של המלך, עם עשרה אנשים אל גדליהו בן אחיקם למצפה. הם אכלו שם יחד, במצפה. 2 ישמעאל בן נתניה ועשרת האנשים שהיו אתו התנפלו על גדליהו בן אחיקם בן שפן. הם הרגו את האיש שמלך בבל הפקיד על הארץ! 3 גם את כל אנשי יהודה שהיו עם גדליהו במצפה ואת הבבלים שהיו שם, את החיילים, הרג ישמעאל. 4 יום אחרי רצח גדליהו עדיין לא ידע על כך איש. 5 שמונים איש משכם, משילֹה ומשומרון באו כשהם מגולחי זקן, קרועי בגדים וגופם שרוט. הם הביאו אתם קרבנות מִנחה ולבונה לבית ה'. 6 ישמעאל בן נתניה יצא לקראתם ממצפה כשהוא הולך ובוכה, וכשפגש אותם אמר: "בואו אל גדליהו בן אחיקם". 7 כאשר נכנסו שמונים האנשים לעיר, שחטו אותם ישמעאל בן נתניה ואנשיו, והשליכו אותם לתוך הבור. 8 בין השמונים היו עשרה אנשים שאמרו לישמעאל: "אל תהרוג אותנו כי יש לנו חיטה ושעורה, שמן ודבש מוסתרים בשדה". ישמעאל הניח להם ולא הרג אותם עם האחרים. 9 הבור שאליו השליך ישמעאל את כל גופות האנשים שרצח עם גדליהו הוא בור המים שחפר המלך אסא כהגנה מפני בַּעְשָׁא מלך ישראל. את הבור הזה מילא ישמעאל בן נתניהו בגופות מתים. 10 הוא לקח בשבי את כל שארית העם שהיה במצפה, את בנות המלך ואת כל האנשים במצפה שנבוזראדן שר הצבא הפקיד עליהם את גדליהו בן אחיקם. ישמעאל בן נתניה לקח אותם בשבי ופנה ללכת אל בני עמון.
11 יוחנן בן קָרח וכל מפקדי הצבא שהיו אתו שמעו על המעשה הנורא שעשה ישמעאל בן נתניה. 12 הם אספו את כל האנשים ויצאו להילחם בישמעאל בן נתניה. הם מצאו אותו ליד הבריכה בגִבעון. 13 כאשר ראו האנשים שהיו עם ישמעאל את יוחנן בן קָרח ואת כל מפקדי הצבא שהיו אתו, הם שמחו מאוד. 14 כל האנשים שלקח ישמעאל בשבי ממצפה פנו ממנו ועברו אל יוחנן בן קָרח. 15 ישמעאל בן נתניה נמלט עם שמונה אנשים מפני יוחנן והלך אל בני עמון. 16 יוחנן בן קָרח וכל מפקדי החיילים שהיו אתו אספו את שארית העם שהשיבו ממצפה, מידי ישמעאל בן נתניה שלקח אותם בשבי אחרי שרצח את גדליה בן אחיקם: גברים, לוחמים, נשים, ילדים ומשרתים שהשיב מגבעון. 17 הם הלכו וחנו בגֵרוּת כִּמְהָם שליד בית לחם והתכוונו לרדת למצריים. 18 הם רצו לברוח מהבבלים כי פחדו מהם, כי ישמעאל בן נתניה הרג את גדליהו בן אחיקם, את מי שמלך בבל הפקיד על הארץ.