תנ"ך מבואר

ספר שמות פרק לט

1 וּמִן־הַתְּכֵלֶת וְהָאַרְגָּמָן וְתוֹלַעַת הַשָּׁנִי, עָשׂוּ בִגְדֵי־שְׂרָד לְשָׁרֵת בַּקֹּדֶשׁ; וַיַּעֲשׂוּ אֶת־בִּגְדֵי הַקֹּדֶשׁ אֲשֶׁר לְאַהֲרֹן, כַּאֲשֶׁר צִוָּה יהוה אֶת־מֹשֶׁה׃ {פ}
2 וַיַּעַשׂ אֶת־הָאֵפֹד; זָהָב, תְּכֵלֶת וְאַרְגָּמָן וְתוֹלַעַת שָׁנִי וְשֵׁשׁ מָשְׁזָר׃ 3 וַיְרַקְּעוּ אֶת־פַּחֵי הַזָּהָב וְקִצֵּץ פְּתִילִם, לַעֲשׂוֹת, בְּתוֹךְ הַתְּכֵלֶת וּבְתוֹךְ הָאַרְגָּמָן, וּבְתוֹךְ תּוֹלַעַת הַשָּׁנִי וּבְתוֹךְ הַשֵּׁשׁ; מַעֲשֵׂה חֹשֵׁב׃ 4 כְּתֵפֹת עָשׂוּ־לוֹ חֹבְרֹת; עַל־שְׁנֵי קצוותו (קְצוֹתָיו) חֻבָּר׃ 5 וְחֵשֶׁב אֲפֻדָּתוֹ אֲשֶׁר עָלָיו, מִמֶּנּוּ הוּא כְּמַעֲשֵׂהוּ, זָהָב, תְּכֵלֶת וְאַרְגָּמָן וְתוֹלַעַת שָׁנִי וְשֵׁשׁ מָשְׁזָר; כַּאֲשֶׁר צִוָּה יהוה אֶת־מֹשֶׁה׃ 6 וַיַּעֲשׂוּ אֶת־אַבְנֵי הַשֹּׁהַם, מֻסַבֹּת מִשְׁבְּצֹת זָהָב; מְפֻתָּחֹת פִּתּוּחֵי חוֹתָם, עַל־שְׁמוֹת בְּנֵי יִשְׂרָאֵל׃ 7 וַיָּשֶׂם אֹתָם, עַל כִּתְפֹת הָאֵפֹד, אַבְנֵי זִכָּרוֹן לִבְנֵי יִשְׂרָאֵל; כַּאֲשֶׁר צִוָּה יהוה אֶת־מֹשֶׁה׃ {פ}
8 וַיַּעַשׂ אֶת־הַחֹשֶׁן מַעֲשֵׂה חֹשֵׁב כְּמַעֲשֵׂה אֵפֹד; זָהָב, תְּכֵלֶת וְאַרְגָּמָן וְתוֹלַעַת שָׁנִי וְשֵׁשׁ מָשְׁזָר׃ 9 רָבוּעַ הָיָה כָּפוּל עָשׂוּ אֶת־הַחֹשֶׁן; זֶרֶת אָרְכּוֹ וְזֶרֶת רָחְבּוֹ כָּפוּל׃ 10 וַיְמַלְאוּ־בוֹ, אַרְבָּעָה טוּרֵי אָבֶן; טוּר, אֹדֶם פִּטְדָה וּבָרֶקֶת, הַטּוּר הָאֶחָד׃ 11 וְהַטּוּר הַשֵּׁנִי; נֹפֶךְ סַפִּיר וְיָהֲלֹם׃ 12 וְהַטּוּר הַשְּׁלִישִׁי; לֶשֶׁם שְׁבוֹ וְאַחְלָמָה׃ 13 וְהַטּוּר הָרְבִיעִי, תַּרְשִׁישׁ שֹׁהַם וְיָשְׁפֵה; מוּסַבֹּת מִשְׁבְּצוֹת זָהָב בְּמִלֻּאֹתָם׃ 14 וְהָאֲבָנִים עַל־שְׁמֹת בְּנֵי־יִשְׂרָאֵל הֵנָּה שְׁתֵּים עֶשְׂרֵה עַל־שְׁמֹתָם; פִּתּוּחֵי חֹתָם אִישׁ עַל־שְׁמוֹ, לִשְׁנֵים עָשָׂר שָׁבֶט׃ 15 וַיַּעֲשׂוּ עַל־הַחֹשֶׁן שַׁרְשְׁרֹת גַּבְלֻת מַעֲשֵׂה עֲבֹת; זָהָב טָהוֹר׃ 16 וַיַּעֲשׂוּ, שְׁתֵּי מִשְׁבְּצֹת זָהָב, וּשְׁתֵּי טַבְּעֹת זָהָב; וַיִּתְּנוּ, אֶת־שְׁתֵּי הַטַּבָּעֹת, עַל־שְׁנֵי קְצוֹת הַחֹשֶׁן׃ 17 וַיִּתְּנוּ, שְׁתֵּי הָעֲבֹתֹת הַזָּהָב, עַל־שְׁתֵּי הַטַּבָּעֹת; עַל־קְצוֹת הַחֹשֶׁן׃ 18 וְאֵת שְׁתֵּי קְצוֹת שְׁתֵּי הָעֲבֹתֹת, נָתְנוּ עַל־שְׁתֵּי הַמִּשְׁבְּצֹת; וַיִּתְּנֻם עַל־כִּתְפֹת הָאֵפֹד אֶל־מוּל פָּנָיו׃ 19 וַיַּעֲשׂוּ, שְׁתֵּי טַבְּעֹת זָהָב, וַיָּשִׂימוּ עַל־שְׁנֵי קְצוֹת הַחֹשֶׁן; עַל־שְׂפָתוֹ אֲשֶׁר אֶל־עֵבֶר הָאֵפֹד בָּיְתָה׃ 20 וַיַּעֲשׂוּ שְׁתֵּי טַבְּעֹת זָהָב, וַיִּתְּנֻם עַל־שְׁתֵּי כִתְפֹת הָאֵפֹד מִלְמַטָּה מִמּוּל פָּנָיו, לְעֻמַּת מֶחְבַּרְתּוֹ; מִמַּעַל לְחֵשֶׁב הָאֵפֹד׃ 21 וַיִּרְכְּסוּ אֶת־הַחֹשֶׁן מִטַּבְּעֹתָיו אֶל־טַבְּעֹת הָאֵפֹד בִּפְתִיל תְּכֵלֶת, לִהְיֹת עַל־חֵשֶׁב הָאֵפֹד, וְלֹא־יִזַּח הַחֹשֶׁן, מֵעַל הָאֵפֹד; כַּאֲשֶׁר צִוָּה יהוה אֶת־מֹשֶׁה׃

22 וַיַּעַשׂ אֶת־מְעִיל הָאֵפֹד מַעֲשֵׂה אֹרֵג; כְּלִיל תְּכֵלֶת׃ 23 וּפִי־הַמְּעִיל בְּתוֹכוֹ כְּפִי תַחְרָא; שָׂפָה לְפִיו סָבִיב לֹא יִקָּרֵעַ׃ 24 וַיַּעֲשׂוּ עַל־שׁוּלֵי הַמְּעִיל, רִמּוֹנֵי תְּכֵלֶת וְאַרְגָּמָן וְתוֹלַעַת שָׁנִי; מָשְׁזָר׃ 25 וַיַּעֲשׂוּ פַעֲמֹנֵי זָהָב טָהוֹר; וַיִּתְּנוּ אֶת־הַפַּעֲמֹנִים בְּתוֹךְ הָרִמֹּנִים, עַל־שׁוּלֵי הַמְּעִיל סָבִיב, בְּתוֹךְ הָרִמֹּנִים׃ 26 פַּעֲמֹן וְרִמֹּן פַּעֲמֹן וְרִמֹּן, עַל־שׁוּלֵי הַמְּעִיל סָבִיב; לְשָׁרֵת כַּאֲשֶׁר צִוָּה יהוה אֶת־מֹשֶׁה׃ {ס}
27 וַיַּעֲשׂוּ אֶת־הַכָּתְנֹת שֵׁשׁ מַעֲשֵׂה אֹרֵג; לְאַהֲרֹן וּלְבָנָיו׃ 28 וְאֵת הַמִּצְנֶפֶת שֵׁשׁ, וְאֶת־פַּאֲרֵי הַמִּגְבָּעֹת שֵׁשׁ; וְאֶת־מִכְנְסֵי הַבָּד שֵׁשׁ מָשְׁזָר׃ 29 וְאֶת־הָאַבְנֵט שֵׁשׁ מָשְׁזָר, וּתְכֵלֶת וְאַרְגָּמָן וְתוֹלַעַת שָׁנִי מַעֲשֵׂה רֹקֵם; כַּאֲשֶׁר צִוָּה יהוה אֶת־מֹשֶׁה׃ {ס} 30 וַיַּעֲשׂוּ אֶת־צִיץ נֵזֶר־הַקֹּדֶשׁ זָהָב טָהוֹר; וַיִּכְתְּבוּ עָלָיו, מִכְתַּב פִּתּוּחֵי חוֹתָם, קֹדֶשׁ לַיהוָה׃ 31 וַיִּתְּנוּ עָלָיו פְּתִיל תְּכֵלֶת, לָתֵת עַל־הַמִּצְנֶפֶת מִלְמָעְלָה; כַּאֲשֶׁר צִוָּה יהוה אֶת־מֹשֶׁה׃ {ס}

32 וַתֵּכֶל כָּל־עֲבֹדַת מִשְׁכַּן אֹהֶל מוֹעֵד; וַיַּעֲשׂוּ בְּנֵי יִשְׂרָאֵל, כְּכֹל אֲשֶׁר צִוָּה יהוה אֶת־מֹשֶׁה כֵּן עָשׂוּ׃ {פ}
33 וַיָּבִיאוּ אֶת־הַמִּשְׁכָּן אֶל־מֹשֶׁה, אֶת־הָאֹהֶל וְאֶת־כָּל־כֵּלָיו; קְרָסָיו קְרָשָׁיו, בריחו (בְּרִיחָיו) וְעַמֻּדָיו וַאֲדָנָיו׃ 34 וְאֶת־מִכְסֵה עוֹרֹת הָאֵילִם הַמְאָדָּמִים, וְאֶת־מִכְסֵה עֹרֹת הַתְּחָשִׁים; וְאֵת פָּרֹכֶת הַמָּסָךְ׃ 35 אֶת־אֲרֹן הָעֵדֻת וְאֶת־בַּדָּיו; וְאֵת הַכַּפֹּרֶת׃ 36 אֶת־הַשֻּׁלְחָן אֶת־כָּל־כֵּלָיו, וְאֵת לֶחֶם הַפָּנִים׃ 37 אֶת־הַמְּנֹרָה הַטְּהֹרָה אֶת־נֵרֹתֶיהָ, נֵרֹת הַמַּעֲרָכָה וְאֶת־כָּל־כֵּלֶיהָ; וְאֵת שֶׁמֶן הַמָּאוֹר׃ 38 וְאֵת מִזְבַּח הַזָּהָב, וְאֵת שֶׁמֶן הַמִּשְׁחָה, וְאֵת קְטֹרֶת הַסַּמִּים; וְאֵת מָסַךְ פֶּתַח הָאֹהֶל׃ 39 אֵת מִזְבַּח הַנְּחֹשֶׁת, וְאֶת־מִכְבַּר הַנְּחֹשֶׁת אֲשֶׁר־לוֹ, אֶת־בַּדָּיו וְאֶת־כָּל־כֵּלָיו; אֶת־הַכִּיֹּר וְאֶת־כַּנּוֹ׃ 40 אֵת קַלְעֵי הֶחָצֵר אֶת־עַמֻּדֶיהָ וְאֶת־אֲדָנֶיהָ, וְאֶת־הַמָּסָךְ לְשַׁעַר הֶחָצֵר, אֶת־מֵיתָרָיו וִיתֵדֹתֶיהָ; וְאֵת, כָּל־כְּלֵי עֲבֹדַת הַמִּשְׁכָּן לְאֹהֶל מוֹעֵד׃ 41 אֶת־בִּגְדֵי הַשְּׂרָד לְשָׁרֵת בַּקֹּדֶשׁ; אֶת־בִּגְדֵי הַקֹּדֶשׁ לְאַהֲרֹן הַכֹּהֵן, וְאֶת־בִּגְדֵי בָנָיו לְכַהֵן׃

42 כְּכֹל אֲשֶׁר־צִוָּה יהוה אֶת־מֹשֶׁה; כֵּן עָשׂוּ בְּנֵי יִשְׂרָאֵל, אֵת כָּל־הָעֲבֹדָה׃ 43 וַיַּרְא מֹשֶׁה אֶת־כָּל־הַמְּלָאכָה, וְהִנֵּה עָשׂוּ אֹתָהּ, כַּאֲשֶׁר צִוָּה יהוה כֵּן עָשׂוּ; וַיְבָרֶךְ אֹתָם מֹשֶׁה׃ {פ}
בגדי הכוהנים
1 מהחוטים הכחולים, הסגולים והאדומים עשו את בגדי ההכהונה שילבש אהרון כשישרת במשכן. האמנים עשו את הבגדים המיוחדים כפי שציווה ה' על משה. 2 את האפוד עשו מזהב, מחוטים כחולים, סגולים ואדומים ומחוטי פשתן. 3 הם רקעו לוחות מזהב וחתכו מהם חוטים כדי לשזור אותם במומחיות בין החוטים הכחולים, הסגולים והאדומים וחוטי הפשתן. 4 הם עשו כתפיות שהתחברו לשני קצוות האפוד. 5 חגורת האפוד הייתה חלק מהאפוד עצמו ונארגה כמו האפוד מחוטי זהב, מחוטים כחולים, סגולים ואדומים ומחוטי פשתן, כפי שציווה ה' על משה. 6 את אבני השוהם שיבצו במסגרות זהב ושמות בני ישראל נחקקו בהן כמו בחותמת. 7 בצלאל שם אותן על כתפיות האפוד כדי שיזכירו את בני ישראל לפני ה' כפי שציווה ה' על משה.
8 האמנים עשו את החושן במומחיות, כפי שעשו את האפוד, מחוטי זהב, מחוטים כחולים, סגולים ואדומים ומחוטי פשתן. 9 האריג של החושן היה מקופל לשניים כך שיצר ריבוע שאורכו עשרים וחמישה סנטימטר ורוחבו עשרים וחמישה סנטימטר. 10 הם שיבצו בחושן ארבעה טורים של אבנים יקרות. בטור האחד: אוֹדֶם, פִּטְדָה ובָרֶקֶת. 11 בטור השני: נוֹפֶךְ, סַפִּיר ויהלום. 12 בטור השלישי: לֶשֶׁם, שְׁבוֹ ואַחְלָמָה. 13 בטור הרביעי: תַרְשִׁישׁ, שׁוֹהַם ויִשְׁפֵה. [לא ברור באילו אבנים יקרות מדובר] כל האבנים היו ממוסגרות בזהב. 14 האבנים נקראו על שמות שנים עשר שבטי ישראל. על כל אבן נחקק שם של אחד משנים עשר השבטים. 15 האמנים עשו לחושן שרשרות קלועות מחוטי זהב טהור, 16 שני אבזמי זהב ושתי טבעות זהב. את שתי הטבעות חיברו לשתי הפינות העליונות של החושן. 17 אחר כך השחילו את הקצוות של שרשרות הזהב בשתי הטבעות שבפינות החושן. 18 את שני הקצוות האחרים של השרשרות חיברו מלפנים לשני האבזמים שעל כתפיות האפוד. 19 הם עשו עוד שתי טבעות זהב וחיברו אותן לשתי הפינות התחתונות של החושן, קרוב לאפוד. 20 מִקדימה חיברו עוד שתי טבעות זהב לקצוות התחתונים של שתי הכתפיות, בַּמקום שהן מתחברות לחגורת האפוד. 21 האמנים חיברו את טבעות החושן לטבעות האפוד באמצעות חוט כחול, כך שהחושן התחבר לחגורה ולא זז מהאפוד, כפי שציווה ה' על משה.
22 את הבגד העליון עשו מאריג שכולו כחול. 23 במרכז האריג עשו פתח ששוליו ארוגים חזק כדי שלא יקָרע. 24 סביב השוליים התחתונים של הבגד חיברו רימונים שזורים מחוטים כחולים, סגולים ואדומים. 25 הם עשו פעמוני זהב ושילבו אותם בין הרימונים על שולי הבגד. 26 פעמון ורימון, פעמון ורימון על שולי הבגד שילבש אהרון כשישרת במשכן, כפי שציווה ה' על משה.
27 האמנים ארגו במומחיות כותנות פשתן לאהרון ולבניו. 28 גם את המצנפת, את הכובעים שיעניקו להם כבוד ופאר ואת מכנסי הבד עשו מחוטי פשתן. 29 את החגורה עשו מחוטי פשתן ומחוטים כחולים, סגולים ואדומים, רקומים במומחיות, כפי שציווה ה' על משה. 30 את הלוחית של כתר הכוהן הגדול עשו מזהב טהור וחקקו עליה כמו על חותמת: קודש לה'. 31 הם חיברו אותה בחוט כחול למצנפת, כפי שציווה ה' על משה.
ציוד המשכן
32 כל עבודת משכן אוהל מועד נסתיימה. בני ישראל עשו הכול כפי שציווה ה' על משה. 33 אז הביאו את המשכן למשה: את האוהל ואת כל הציוד שלו: הווים, הלוחות, המוטות, העמודים והבסיסים, 34 את הכיסוי מעורות האֵילים הצבועים באדום, את הכיסוי מעורות התחשים ואת הפרוכת, 35 את ארון הברית, את המוטות שלו ואת הכפורת, 36 את השולחן, את כל כליו ואת לחם הפנים, 37 את המנורה שעשויה מזהב טהור, את גביעי השמן שמסודרים עליה, את כל כלי המנורה ואת השמן שנועד לתאורה, 38 את מזבח הזהב, את שמן ההקדשה, את הקטורת הריחנית ואת המסך של פתח האוהל, 39 את מזבח הנחושת ואת רשת הנחושת שלו, את המוטות ואת הכלים שלו, את קערת הרחצה ואת הבסיס שלה, 40 את היריעות של גדר החצר, את העמודים והבסיסים שלה, את המסך של פתח החצר, את כל החבלים והיתדות של גדר החצר ואת כל הכלים שהיו דרושים לעבודת משכן אוהל מועד, 41 את בגדי הכהונה שילבשו הכוהנים כשישרתו במשכן, ואת הבגדים המיוחדים לאהרון הכוהן ולבניו.
42 בני ישראל ביצעו את כל העבודה על פי כל מה שציווה ה' על משה. 43 משה ראה את כל המלאכה שנעשתה כפי שציווה ה', ובירך אותם.