תנ"ך מבואר

ספר יהושוע פרק כא

1 וַיִּגְּשׁוּ, רָאשֵׁי אֲבוֹת הַלְוִיִּם, אֶל־אֶלְעָזָר הַכֹּהֵן, וְאֶל־יְהוֹשֻׁעַ בִּן־נוּן; וְאֶל־רָאשֵׁי אֲבוֹת הַמַּטּוֹת לִבְנֵי יִשְׂרָאֵל׃ 2 וַיְדַבְּרוּ אֲלֵיהֶם בְּשִׁלֹה, בְּאֶרֶץ כְּנַעַן לֵאמֹר, יהוה צִוָּה בְיַד־מֹשֶׁה, לָתֶת־לָנוּ עָרִים לָשָׁבֶת; וּמִגְרְשֵׁיהֶן לִבְהֶמְתֵּנוּ׃
3 וַיִּתְּנוּ בְנֵי־יִשְׂרָאֵל לַלְוִיִּם מִנַּחֲלָתָם אֶל־פִּי יהוה; אֶת־הֶעָרִים הָאֵלֶּה וְאֶת־מִגְרְשֵׁיהֶן׃ 4 וַיֵּצֵא הַגּוֹרָל לְמִשְׁפְּחֹת הַקְּהָתִי; וַיְהִי לִבְנֵי אַהֲרֹן הַכֹּהֵן מִן־הַלְוִיִּם, מִמַּטֵּה יְהוּדָה וּמִמַּטֵּה הַשִּׁמְעֹנִי וּמִמַּטֵּה בִנְיָמִן בַּגּוֹרָל, עָרִים שְׁלֹשׁ עֶשְׂרֵה׃ {ס} 5 וְלִבְנֵי קְהָת הַנּוֹתָרִים, מִמִּשְׁפְּחֹת מַטֵּה־אֶפְרַיִם וּמִמַּטֵּה־דָן וּמֵחֲצִי מַטֵּה מְנַשֶּׁה בַּגּוֹרָל עָרִים עָשֶׂר׃ {ס} 6 וְלִבְנֵי גֵרְשׁוֹן, מִמִּשְׁפְּחוֹת מַטֵּה־יִשָּׂשכָר וּמִמַּטֵּה־אָשֵׁר וּמִמַּטֵּה נַפְתָּלִי וּמֵחֲצִי מַטֵּה מְנַשֶּׁה בַבָּשָׁן בַּגּוֹרָל, עָרִים שְׁלֹשׁ עֶשְׂרֵה׃ {ס} 7 לִבְנֵי מְרָרִי לְמִשְׁפְּחֹתָם, מִמַּטֵּה רְאוּבֵן וּמִמַּטֵּה־גָד וּמִמַּטֵּה זְבוּלֻן, עָרִים שְׁתֵּים עֶשְׂרֵה׃ 8 וַיִּתְּנוּ בְנֵי־יִשְׂרָאֵל לַלְוִיִּם, אֶת־הֶעָרִים הָאֵלֶּה וְאֶת־מִגְרְשֵׁיהֶן; כַּאֲשֶׁר צִוָּה יהוה בְּיַד־מֹשֶׁה בַּגּוֹרָל׃ {פ} 9 וַיִּתְּנוּ, מִמַּטֵּה בְּנֵי יְהוּדָה, וּמִמַּטֵּה בְּנֵי שִׁמְעוֹן; אֵת הֶעָרִים הָאֵלֶּה, אֲשֶׁר־יִקְרָא אֶתְהֶן בְּשֵׁם׃ 10 וַיְהִי לִבְנֵי אַהֲרֹן, מִמִּשְׁפְּחוֹת הַקְּהָתִי מִבְּנֵי לֵוִי; כִּי לָהֶם הָיָה הַגּוֹרָל רִיאשֹׁנָה׃ 11 וַיִּתְּנוּ לָהֶם אֶת־קִרְיַת אַרְבַּע אֲבִי הָעֲנוֹק הִיא חֶבְרוֹן בְּהַר יְהוּדָה; וְאֶת־מִגְרָשֶׁהָ סְבִיבֹתֶיהָ׃ 12 וְאֶת־שְׂדֵה הָעִיר וְאֶת־חֲצֵרֶיהָ; נָתְנוּ לְכָלֵב בֶּן־יְפֻנֶּה בַּאֲחֻזָּתוֹ׃ {ס} 13 וְלִבְנֵי אַהֲרֹן הַכֹּהֵן, נָתְנוּ אֶת־עִיר מִקְלַט הָרֹצֵחַ, אֶת־חֶבְרוֹן וְאֶת־מִגְרָשֶׁהָ; וְאֶת־לִבְנָה וְאֶת־מִגְרָשֶׁהָ׃ 14 וְאֶת־יַתִּר וְאֶת־מִגְרָשֶׁהָ, וְאֶת־אֶשְׁתְּמֹעַ וְאֶת־מִגְרָשֶׁהָ׃ 15 וְאֶת־חֹלֹן וְאֶת־מִגְרָשֶׁהָ, וְאֶת־דְּבִר וְאֶת־מִגְרָשֶׁהָ׃ 16 וְאֶת־עַיִן וְאֶת־מִגְרָשֶׁהָ, וְאֶת־יֻטָּה וְאֶת־מִגְרָשֶׁהָ, אֶת־בֵּית שֶׁמֶשׁ וְאֶת־מִגְרָשֶׁהָ; עָרִים תֵּשַׁע, מֵאֵת שְׁנֵי הַשְּׁבָטִים הָאֵלֶּה׃ {פ} 17 וּמִמַּטֵּה בִנְיָמִן, אֶת־גִּבְעוֹן וְאֶת־מִגְרָשֶׁהָ; אֶת־גֶּבַע וְאֶת־מִגְרָשֶׁהָ׃ 18 אֶת־עֲנָתוֹת וְאֶת־מִגְרָשֶׁהָ, וְאֶת־עַלְמוֹן וְאֶת־מִגְרָשֶׁהָ; עָרִים אַרְבַּע׃ 19 כָּל־עָרֵי בְנֵי־אַהֲרֹן הַכֹּהֲנִים; שְׁלֹשׁ־עֶשְׂרֵה עָרִים וּמִגְרְשֵׁיהֶן׃ {ס}
20 וּלְמִשְׁפְּחוֹת בְּנֵי־קְהָת הַלְוִיִּם, הַנּוֹתָרִים מִבְּנֵי קְהָת; וַיְהִי עָרֵי גוֹרָלָם, מִמַּטֵּה אֶפְרָיִם׃ 21 וַיִּתְּנוּ לָהֶם אֶת־עִיר מִקְלַט הָרֹצֵחַ אֶת־שְׁכֶם וְאֶת־מִגְרָשֶׁהָ בְּהַר אֶפְרָיִם; וְאֶת־גֶּזֶר וְאֶת־מִגְרָשֶׁהָ׃ 22 וְאֶת־קִבְצַיִם וְאֶת־מִגְרָשֶׁהָ, וְאֶת־בֵּית חוֹרֹן וְאֶת־מִגְרָשֶׁהָ; עָרִים אַרְבַּע׃ {ס} 23 וּמִמַּטֵּה־דָן, אֶת־אֶלְתְּקֵא וְאֶת־מִגְרָשֶׁהָ; אֶת־גִּבְּתוֹן וְאֶת־מִגְרָשֶׁהָ׃ 24 אֶת־אַיָּלוֹן וְאֶת־מִגְרָשֶׁהָ, אֶת־גַּת־רִמּוֹן וְאֶת־מִגְרָשֶׁהָ; עָרִים אַרְבַּע׃ {ס} 25 וּמִמַּחֲצִית מַטֵּה מְנַשֶּׁה, אֶת־תַּעְנַךְ וְאֶת־מִגְרָשֶׁהָ, וְאֶת־גַּת־רִמּוֹן וְאֶת־מִגְרָשֶׁהָ; עָרִים שְׁתָּיִם׃ 26 כָּל־עָרִים עֶשֶׂר וּמִגְרְשֵׁיהֶן; לְמִשְׁפְּחוֹת בְּנֵי־קְהָת הַנּוֹתָרִים׃ {ס}
27 וְלִבְנֵי גֵרְשׁוֹן מִמִּשְׁפְּחֹת הַלְוִיִּם, מֵחֲצִי מַטֵּה מְנַשֶּׁה, אֶת־עִיר מִקְלַט הָרֹצֵחַ, אֶת־גלון (גּוֹלָן) בַּבָּשָׁן וְאֶת־מִגְרָשֶׁהָ, וְאֶת־בְּעֶשְׁתְּרָה וְאֶת־מִגְרָשֶׁהָ; עָרִים שְׁתָּיִם׃ {ס} 28 וּמִמַּטֵּה יִשָּׂשכָר, אֶת־קִשְׁיוֹן וְאֶת־מִגְרָשֶׁהָ; אֶת־דָּבְרַת וְאֶת־מִגְרָשֶׁהָ׃ 29 אֶת־יַרְמוּת וְאֶת־מִגְרָשֶׁהָ, אֶת־עֵין גַּנִּים וְאֶת־מִגְרָשֶׁהָ; עָרִים אַרְבַּע׃ {ס} 30 וּמִמַּטֵּה אָשֵׁר, אֶת־מִשְׁאָל וְאֶת־מִגְרָשֶׁהָ; אֶת־עַבְדּוֹן וְאֶת־מִגְרָשֶׁהָ׃ 31 אֶת־חֶלְקָת וְאֶת־מִגְרָשֶׁהָ, וְאֶת־רְחֹב וְאֶת־מִגְרָשֶׁהָ; עָרִים אַרְבַּע׃ {ס} 32 וּמִמַּטֵּה נַפְתָּלִי אֶת־עִיר מִקְלַט הָרֹצֵחַ, אֶת־קֶדֶשׁ בַּגָּלִיל וְאֶת־מִגְרָשֶׁהָ וְאֶת־חַמֹּת דֹּאר וְאֶת־מִגְרָשֶׁהָ, וְאֶת־קַרְתָּן וְאֶת־מִגְרָשֶׁהָ; עָרִים שָׁלֹשׁ׃ 33 כָּל־עָרֵי הַגֵּרְשֻׁנִּי לְמִשְׁפְּחֹתָם; שְׁלֹשׁ־עֶשְׂרֵה עִיר וּמִגְרְשֵׁיהֶן׃ {ס}
34 וּלְמִשְׁפְּחוֹת בְּנֵי־מְרָרִי הַלְוִיִּם הַנּוֹתָרִים, מֵאֵת מַטֵּה זְבוּלֻן, אֶת־יָקְנְעָם וְאֶת־מִגְרָשֶׁהָ; אֶת־קַרְתָּה וְאֶת־מִגְרָשֶׁהָ׃ 35 אֶת־דִּמְנָה וְאֶת־מִגְרָשֶׁהָ, אֶת־נַהֲלָל וְאֶת־מִגְרָשֶׁהָ; עָרִים אַרְבַּע׃ 36 וּמִמַּטֵּה רְאוּבֵן, אֶת־בֶּצֶר וְאֶת־מִגְרָשֶׁהָ; וְאֶת־יַהְצָה וְאֶת־מִגְרָשֶׁהָ׃ 37 אֶת־קְדֵמוֹת וְאֶת־מִגְרָשֶׁהָ, וְאֶת־מֵיפָעַת וְאֶת־מִגְרָשֶׁהָ; עָרִים אַרְבַּע׃ {ס} 38 וּמִמַּטֵּה־גָד, אֶת־עִיר מִקְלַט הָרֹצֵחַ, אֶת־רָמֹת בַּגִּלְעָד וְאֶת־מִגְרָשֶׁהָ; וְאֶת־מַחֲנַיִם וְאֶת־מִגְרָשֶׁהָ׃ 39 אֶת־חֶשְׁבּוֹן וְאֶת־מִגְרָשֶׁהָ, אֶת־יַעְזֵר וְאֶת־מִגְרָשֶׁהָ; כָּל־עָרִים אַרְבַּע׃ 40 כָּל־הֶעָרִים לִבְנֵי מְרָרִי לְמִשְׁפְּחֹתָם, הַנּוֹתָרִים מִמִּשְׁפְּחוֹת הַלְוִיִּם; וַיְהִי גּוֹרָלָם, עָרִים שְׁתֵּים עֶשְׂרֵה׃
41 כֹּל עָרֵי הַלְוִיִּם, בְּתוֹךְ אֲחֻזַּת בְּנֵי־יִשְׂרָאֵל; עָרִים אַרְבָּעִים וּשְׁמֹנֶה וּמִגְרְשֵׁיהֶן׃ 42 תִּהְיֶינָה הֶעָרִים הָאֵלֶּה, עִיר עִיר, וּמִגְרָשֶׁיהָ סְבִיבֹתֶיהָ; כֵּן לְכָל־הֶעָרִים הָאֵלֶּה׃ {ס}
43 וַיִּתֵּן יהוה לְיִשְׂרָאֵל, אֶת־כָּל־הָאָרֶץ, אֲשֶׁר נִשְׁבַּע לָתֵת לַאֲבוֹתָם; וַיִּרָשׁוּהָ וַיֵּשְׁבוּ בָהּ׃ 44 וַיָּנַח יהוה לָהֶם מִסָּבִיב, כְּכֹל אֲשֶׁר־נִשְׁבַּע לַאֲבוֹתָם; וְלֹא־עָמַד אִישׁ בִּפְנֵיהֶם מִכָּל־אֹיְבֵיהֶם, אֵת כָּל־אֹיְבֵיהֶם, נָתַן יהוה בְּיָדָם׃ 45 לֹא־נָפַל דָּבָר, מִכֹּל הַדָּבָר הַטּוֹב, אֲשֶׁר־דִּבֶּר יהוה אֶל־בֵּית יִשְׂרָאֵל; הַכֹּל בָּא׃ {פ}
ערי הלויים
1 ראשי המשפחות של הלויים ניגשו אל אלעזר הכוהן, אל יהושע בן נון ואל ראשי השבטים של בני ישראל 2 בשילֹה בארץ כנען, ואמרו להם: "ה' ציווה באמצעות משה לתת לנו ערים למגורים ושדות מרעה לבהמותינו".
3 בהתאם למצוות ה', נתנו בני ישראל ללויים מנחלותיהם את הערים האלה ואת שדות המרעה שלהן. 4 משפחות קְהָת עלו בגורל. הלויים צאצאי אהרון הכוהן קיבלו על פי הגורל שלוש עשרה ערים משבט יהודה, משבט שמעון ומשבט בנימין. 5 צאצאי קהת האחרים קיבלו על פי הגורל עשר ערים ממשפחות שבט אפרים, משבט דן ומחצי שבט מנשה. 6 צאצאי גרשון קיבלו על פי הגורל שלוש עשרה ערים ממשפחות שבט יששכר, משבט אשר, משבט נפתלי ומחצי שבט מנשה שבבשן. 7 צאצאי מְרָרִי קיבלו לפי משפחותיהם שתים עשרה ערים משבט ראובן, משבט גד ומשבט זבולון. 8 בני ישראל נתנו ללויים על פי הגורל את הערים האלה ואת שדות המרעה שלהן, כפי שציווה ה' באמצעות משה. 9 אלה שמות הערים שניתנו משבט יהודה ומשבט בני שמעון 10 (ערים אלה ניתנו לבני אהרון ממשפחות קהת משבט לוי כי הם עלו ראשונים בגורל): 11 קריית ארבע אבי הענקים (חברון) שבהרי יהודה. 12 אבל את השדות ואת הכפרים שמסביב לעיר נתנו לכלב בן יפונה כחלק מנחלתו. 13 צאצאי אהרון הכוהן קיבלו את חברון (עיר המקלט למי שהרג אדם), את לִבְנָה, 14 את יַתִיר, את אֶשְׁתְמוֹעַ, 15 את חוֹלוֹן, את דְבִיר, 16 את עַיִן, את יוּטָה ואת בית שמש – תשע ערים ושדות המרעה שלהן משני השבטים האלה. 17 משבט בנימין קיבלו את גִבְעוֹן, את גֶבַע, 18 את עֲנָתוֹת ואת עַלְמוֹן – ארבע ערים ושדות המרעה שלהן. 19 בסך הכול קיבלו בני אהרון הכוהנים שלוש עשרה ערים ואת שדות המרעה שלהן.

20 למשפחות הלויים מצאצאי קהת האחרים עלו בגורל הערים משבט אפרים. 21 הם קיבלו את שכם שבהרי אפרים (עיר המקלט למי שהרג אדם), את גֶזֶר, 22 את קִבְצַיִים ואת בית חוֹרוֹן – ארבע ערים ושדות המרעה שלהן. 23 משבט דן קיבלו את אֶלְתְקֵא, את גִבְתוֹן, 24 את אַיָילוֹן ואת גַת רִימוֹן – ארבע ערים ושדות המרעה שלהן. 25 מחצי שבט מנשה קיבלו את תַעְנַךְ ואת גת רימון – שתי ערים ושדות המרעה שלהן. 26 בסך הכול קיבלו המשפחות של בני קהת האחרים עשר ערים ואת שדות המרעה שלהן.

27 בני גרשון ממשפחות הלויים קיבלו מחצי שבט מנשה את גולן שבבשן (עיר המקלט למי שהרג אדם) ואת בְּעֶשְׁתְרָה – שתי ערים ושדות המרעה שלהן. 28 משבט יששכר קיבלו את קִשְׁיוֹן, את דָבְרַת, 29 את יַרְמוּת ואת עֵין גַנִים – ארבע ערים ושדות המרעה שלהן. 30 משבט אשר קיבלו את מִשְׁאָל, את עַבְדוֹן, 31 את חֶלְקָת ואת רְחוֹב – ארבע ערים ושדות המרעה שלהן. 32 משבט נפתלי קיבלו את קֶדֶש שבגליל (עיר המקלט למי שהרג אדם), את חַמוֹת דוֹר ואת קַרְתָן – שלוש ערים ושדות המרעה שלהן. 33 בסך הכול קיבלו בני גרשון לפי משפחותיהם שלוש עשרה ערים ואת שדות המרעה שלהן.
34 משפחות בני מְרָרִי, הלויים הנותרים, קיבלו משבט זבולון את יָקְנְעָם, את קַרְתָה, 35 את דִמְנָה ואת נַהֲלָל – ארבע ערים ושדות המרעה שלהן. 36 משבט ראובן קיבלו את בֶּצֶר שבמדבר (עיר המקלט למי שהרג אדם), את יַהְצָה, 37 את קְדֵמוֹת ואת מֵיפָעַת – ארבע ערים ושדות המרעה שלהן [בחלק מהנוסחים פסוקים 36-37 אינם מופיעים]. 38 משבט גד קיבלו את רָמוֹת שבגלעד (עיר המקלט למי שהרג אדם), את מַחֲנַיִים, 39 את חשבון ואת יַעְזֵר – ארבע הערים ושדות המרעה שלהן. 40 בסך הכול עלו בגורל משפחות צאצאי מררי, הנותרים ממשפחות הלויים, שתים עשרה ערים.
41 מספר כל ערי הלויים ושדות המרעה שלהן בתוך נחלת בני ישראל היה ארבעים ושמונה. 42 לכל עיר ועיר היו שדות מרעה סביבה – כך היה לכל הערים האלה.
43 ה' נתן לישראל את כל הארץ שנשבע לתת לאבותיהם. בני ישראל כבשו אותה והתיישבו בה, 44 וה' נתן להם מנוחה מסביב כפי שנשבע לאבותיהם. מכל אויביהם לא הצליח איש לעמוד בפניהם, ה' נתן בידם את כל אויביהם. 45 מכל ההבטחות הטובות שהבטיח ה' לבני ישראל לא חסר דבר, הכול התקיים.