תנ"ך מבואר

ספר יהושוע פרק טו

1 וַיְהִי הַגּוֹרָל, לְמַטֵּה בְּנֵי יְהוּדָה לְמִשְׁפְּחֹתָם; אֶל־גְּבוּל אֱדוֹם מִדְבַּר־צִן נֶגְבָּה מִקְצֵה תֵימָן׃ 2 וַיְהִי לָהֶם גְּבוּל נֶגֶב, מִקְצֵה יָם הַמֶּלַח; מִן־הַלָּשֹׁן הַפֹּנֶה נֶגְבָּה׃ 3 וְיָצָא אֶל־מִנֶּגֶב לְמַעֲלֵה עַקְרַבִּים וְעָבַר צִנָה, וְעָלָה מִנֶּגֶב לְקָדֵשׁ בַּרְנֵעַ; וְעָבַר חֶצְרוֹן וְעָלָה אַדָּרָה, וְנָסַב הַקַּרְקָעָה׃ 4 וְעָבַר עַצְמוֹנָה, וְיָצָא נַחַל מִצְרַיִם, והיה (וְהָיוּ) תֹצְאוֹת הַגְּבוּל יָמָּה; זֶה־יִהְיֶה לָכֶם גְּבוּל נֶגֶב׃ 5 וּגְבוּל קֵדְמָה יָם הַמֶּלַח, עַד־קְצֵה הַיַּרְדֵּן; וּגְבוּל לִפְאַת צָפוֹנָה מִלְּשׁוֹן הַיָּם, מִקְצֵה הַיַּרְדֵּן׃ 6 וְעָלָה הַגְּבוּל בֵּית חָגְלָה, וְעָבַר מִצְּפוֹן לְבֵית הָעֲרָבָה; וְעָלָה הַגְּבוּל, אֶבֶן בֹּהַן בֶּן־רְאוּבֵן׃ 7 וְעָלָה הַגְּבוּל דְּבִרָה מֵעֵמֶק עָכוֹר, וְצָפוֹנָה פֹּנֶה אֶל־הַגִּלְגָּל, אֲשֶׁר־נֹכַח לְמַעֲלֵה אֲדֻמִּים, אֲשֶׁר מִנֶּגֶב לַנָּחַל; וְעָבַר הַגְּבוּל אֶל־מֵי־עֵין שֶׁמֶשׁ, וְהָיוּ תֹצְאֹתָיו אֶל־עֵין רֹגֵל׃ 8 וְעָלָה הַגְּבוּל גֵּי בֶן־הִנֹּם, אֶל־כֶּתֶף הַיְבוּסִי מִנֶּגֶב, הִיא יְרוּשָׁלָיִם; וְעָלָה הַגְּבוּל אֶל־רֹאשׁ הָהָר, אֲשֶׁר עַל־פְּנֵי גֵי־הִנֹּם יָמָּה, אֲשֶׁר בִּקְצֵה עֵמֶק־רְפָאִים צָפֹנָה׃ 9 וְתָאַר הַגְּבוּל מֵרֹאשׁ הָהָר, אֶל־מַעְיַן מֵי נֶפְתּוֹחַ, וְיָצָא אֶל־עָרֵי הַר־עֶפְרוֹן; וְתָאַר הַגְּבוּל בַּעֲלָה, הִיא קִרְיַת יְעָרִים׃ 10 וְנָסַב הַגְּבוּל מִבַּעֲלָה יָמָּה אֶל־הַר שֵׂעִיר, וְעָבַר אֶל־כֶּתֶף הַר־יְעָרִים מִצָּפוֹנָה הִיא כְסָלוֹן; וְיָרַד בֵּית־שֶׁמֶשׁ וְעָבַר תִּמְנָה׃ 11 וְיָצָא הַגְּבוּל אֶל־כֶּתֶף עֶקְרוֹן צָפוֹנָה, וְתָאַר הַגְּבוּל שִׁכְּרוֹנָה, וְעָבַר הַר־הַבַּעֲלָה וְיָצָא יַבְנְאֵל; וְהָיוּ תֹּצְאוֹת הַגְּבוּל יָמָּה׃ 12 וּגְבוּל יָם, הַיָּמָּה הַגָּדוֹל וּגְבוּל; זֶה גְּבוּל בְּנֵי־יְהוּדָה סָבִיב לְמִשְׁפְּחֹתָם׃
13 וּלְכָלֵב בֶּן־יְפֻנֶּה, נָתַן חֵלֶק בְּתוֹךְ בְּנֵי־יְהוּדָה, אֶל־פִּי יהוה לִיהוֹשֻׁעַ; אֶת־קִרְיַת אַרְבַּע אֲבִי הָעֲנָק הִיא חֶבְרוֹן׃ 14 וַיֹּרֶשׁ מִשָּׁם כָּלֵב, אֶת־שְׁלוֹשָׁה בְּנֵי הָעֲנָק; אֶת־שֵׁשַׁי וְאֶת־אֲחִימַן וְאֶת־תַּלְמַי, יְלִידֵי הָעֲנָק׃
15 וַיַּעַל מִשָּׁם, אֶל־יֹשְׁבֵי דְּבִר; וְשֵׁם־דְּבִר לְפָנִים קִרְיַת־סֵפֶר׃ 16 וַיֹּאמֶר כָּלֵב, אֲשֶׁר־יַכֶּה אֶת־קִרְיַת־סֵפֶר וּלְכָדָהּ; וְנָתַתִּי לוֹ אֶת־עַכְסָה בִתִּי לְאִשָּׁה׃ 17 וַיִּלְכְּדָהּ עָתְנִיאֵל בֶּן־קְנַז אֲחִי כָלֵב; וַיִּתֶּן־לוֹ אֶת־עַכְסָה בִתּוֹ לְאִשָּׁה׃ 18 וַיְהִי בְּבוֹאָהּ, וַתְּסִיתֵהוּ לִשְׁאוֹל מֵאֵת־אָבִיהָ שָׂדֶה, וַתִּצְנַח מֵעַל הַחֲמוֹר; וַיֹּאמֶר־לָהּ כָּלֵב מַה־לָּךְ׃

19 וַתֹּאמֶר תְּנָה־לִּי בְרָכָה, כִּי אֶרֶץ הַנֶּגֶב נְתַתָּנִי, וְנָתַתָּה לִי גֻּלֹּת מָיִם;
וַיִּתֶּן־לָהּ, אֵת גֻּלֹּת עִלִּיּוֹת, וְאֵת גֻּלֹּת תַּחְתִּיּוֹת׃ {פ} 20 זֹאת, נַחֲלַת מַטֵּה בְנֵי־יְהוּדָה לְמִשְׁפְּחֹתָם׃
21 וַיִּהְיוּ הֶעָרִים, מִקְצֵה לְמַטֵּה בְנֵי־יְהוּדָה, אֶל־גְּבוּל אֱדוֹם בַּנֶּגְבָּה; קַבְצְאֵל וְעֵדֶר וְיָגוּר׃ 22 וְקִינָה וְדִימוֹנָה וְעַדְעָדָה׃ 23 וְקֶדֶשׁ וְחָצוֹר וְיִתְנָן׃ 24 זִיף וָטֶלֶם וּבְעָלוֹת׃ 25 וְחָצוֹר חֲדַתָּה וּקְרִיּוֹת, חֶצְרוֹן הִיא חָצוֹר׃ 26 אֲמָם וּשְׁמַע וּמוֹלָדָה׃ 27 וַחֲצַר גַּדָּה וְחֶשְׁמוֹן וּבֵית פָּלֶט׃ 28 וַחֲצַר שׁוּעָל וּבְאֵר שֶׁבַע וּבִזְיוֹתְיָה׃ 29 בַּעֲלָה וְעִיִּים וָעָצֶם׃ 30 וְאֶלְתּוֹלַד וּכְסִיל וְחָרְמָה׃ 31 וְצִקְלַג וּמַדְמַנָּה וְסַנְסַנָּה׃ 32 וּלְבָאוֹת וְשִׁלְחִים וְעַיִן וְרִמּוֹן; כָּל־עָרִים עֶשְׂרִים וָתֵשַׁע וְחַצְרֵיהֶן׃ {ס}
33 בַּשְּׁפֵלָה; אֶשְׁתָּאוֹל וְצָרְעָה וְאַשְׁנָה׃ 34 וְזָנוֹחַ וְעֵין גַּנִּים, תַּפּוּחַ וְהָעֵינָם׃ 35 יַרְמוּת וַעֲדֻלָּם, שׂוֹכֹה וַעֲזֵקָה׃ 36 וְשַׁעֲרַיִם וַעֲדִיתַיִם, וְהַגְּדֵרָה וּגְדֵרֹתָיִם; עָרִים אַרְבַּע־עֶשְׂרֵה וְחַצְרֵיהֶן׃
37 צְנָן וַחֲדָשָׁה וּמִגְדַּל־גָּד׃ 38 וְדִלְעָן וְהַמִּצְפֶּה וְיָקְתְאֵל׃ 39 לָכִישׁ וּבָצְקַת וְעֶגְלוֹן׃ 40 וְכַבּוֹן וְלַחְמָס וְכִתְלִישׁ׃ 41 וּגְדֵרוֹת בֵּית־דָּגוֹן וְנַעֲמָה וּמַקֵּדָה; עָרִים שֵׁשׁ־עֶשְׂרֵה וְחַצְרֵיהֶן׃ {ס}
42 לִבְנָה וָעֶתֶר וְעָשָׁן׃ 43 וְיִפְתָּח וְאַשְׁנָה וּנְצִיב׃ 44 וּקְעִילָה וְאַכְזִיב וּמָרֵאשָׁה; עָרִים תֵּשַׁע וְחַצְרֵיהֶן׃
45 עֶקְרוֹן וּבְנֹתֶיהָ וַחֲצֵרֶיהָ׃ 46 מֵעֶקְרוֹן וָיָמָּה; כֹּל אֲשֶׁר־עַל־יַד אַשְׁדּוֹד וְחַצְרֵיהֶן׃ 47 אַשְׁדּוֹד בְּנוֹתֶיהָ וַחֲצֵרֶיהָ, עַזָּה בְּנוֹתֶיהָ וַחֲצֵרֶיהָ עַד־נַחַל מִצְרָיִם; וְהַיָּם הגבול (הַגָּדוֹל) וּגְבוּל׃ {ס}
48 וּבָהָר; שָׁמִיר וְיַתִּיר וְשׂוֹכֹה׃ 49 וְדַנָּה וְקִרְיַת־סַנָּה הִיא דְבִר׃ 50 וַעֲנָב וְאֶשְׁתְּמֹה וְעָנִים׃ 51 וְגֹשֶׁן וְחֹלֹן וְגִלֹה; עָרִים אַחַת־עֶשְׂרֵה וְחַצְרֵיהֶן׃
52 אֲרַב וְרוּמָה וְאֶשְׁעָן׃ 53 וינים (וְיָנוּם) וּבֵית־תַּפּוּחַ וַאֲפֵקָה׃ 54 וְחֻמְטָה, וְקִרְיַת אַרְבַּע הִיא חֶבְרוֹן וְצִיעֹר; עָרִים תֵּשַׁע וְחַצְרֵיהֶן׃ {ס}
55 מָעוֹן כַּרְמֶל וָזִיף וְיוּטָּה׃ 56 וְיִזְרְעֶאל וְיָקְדְעָם וְזָנוֹחַ׃ 57 הַקַּיִן גִּבְעָה וְתִמְנָה; עָרִים עֶשֶׂר וְחַצְרֵיהֶן׃
58 חַלְחוּל בֵּית־צוּר וּגְדוֹר׃ 59 וּמַעֲרָת וּבֵית־עֲנוֹת וְאֶלְתְּקֹן; עָרִים שֵׁשׁ וְחַצְרֵיהֶן׃
60 קִרְיַת־בַּעַל, הִיא קִרְיַת יְעָרִים וְהָרַבָּה; עָרִים שְׁתַּיִם וְחַצְרֵיהֶן׃ {ס}
61 בַּמִּדְבָּר; בֵּית הָעֲרָבָה, מִדִּין וּסְכָכָה׃ 62 וְהַנִּבְשָׁן וְעִיר־הַמֶּלַח וְעֵין גֶּדִי; עָרִים שֵׁשׁ וְחַצְרֵיהֶן׃
63 וְאֶת־הַיְבוּסִי יוֹשְׁבֵי יְרוּשָׁלָיִם, לֹא־יוכלו (יָכְלוּ) בְנֵי־יְהוּדָה לְהוֹרִישָׁם; וַיֵּשֶׁב הַיְבוּסִי אֶת־בְּנֵי יְהוּדָה בִּירוּשָׁלָיִם, עַד הַיּוֹם הַזֶּה׃ {פ}
נחלת יהודה
1 הנחלה שעלתה בגורל שבט יהודה ומשפחותיו הגיעה לגבול אדום, למדבר צִין שבדרום הרחוק. 2 הגבול הדרומי התחיל מהמפרץ שבקצה הדרומי של ים המלח, 3 משם נמשך מדרום למַעֲלֵה עקרבים, עבר למדבר צִין ועלה מדרום לקדש ברנע. משם עבר הגבול דרך חֶצְרוֹן, עלה לאַדָר ופנה לקַרְקַע. 4 משם עבר לעַצְמוֹן, התחבר לנחל מצריים והסתיים בים. זה הגבול הדרומי. 5 הגבול המזרחי נמשך לאורך ים המלח עד שֶׁפך הירדן. הגבול הצפוני התחיל מקצה הים ליד שפך הירדן, 6 עלה לבית חָגְלָה, עבר מצפון לבית העֲרָבָה ועלה לאבן בוֹהַן בן ראובן. 7 משם עלה הגבול לדְבִיר דרך עמק עָכוֹר, והמשיך צפונה לגִלגל שמול מַעֲלֵה אֲדוּמִים שמדרום לנחל. משם עבר הגבול למי עין שֶׁמֶש ולעֵין רוֹגֵל, שם שינה כיוון. 8 הוא עלה מגֵיא בן הִינוֹם, מהצד הדרומי של העיר היבוסית (ירושלים). משם עלה הגבול לראש ההר שממערב לגיא בן הינום שמצפון לעמק רְפָאִים. 9 מראש ההר פנה הגבול אל מעיין מֵי נֶפְתוֹחַ, יצא לערי הר עֶפְרוֹן ומשם פנה לבַעֲלָה (קִריַית יְעָרִים). 10 מבעלה המשיך הגבול מערבה להר שֵׂעִיר, עבר אל הצד הצפוני של הר יערים (כְּסָלוֹן) וירד מבית שמש לתִמְנָה. 11 משם יצא הגבול אל הצד הצפוני של עֶקְרוֹן, פנה לשִׁכְּרוֹן ועבר דרך הר הבַּעֲלָה ליַבְנְאֵל. הגבול הסתיים בים. 12 הים התיכון היה הגבול המערבי. זה גבול הנחלה שניתנה לשבט יהודה לפי משפחותיו.
13 יהושע נתן לכלב בן יפונה חלק בנחלת שבט יהודה, כפי שציווה עליו ה'. הוא נתן לו את קריית ארבע (ארבע היה אבי הענקים), שנקראה גם חברון. 14 כלב השמיד מקריית ארבע את שלוש משפחות הענקים: שֵׁשַׁי, אֲחִימַן ותַלְמַי.
15 מחברון יצא כָּלב לתקוף את תושבי דביר (ששמה היה בעבר קריית ספר). 16 הוא אמר: "למי שיתקוף את קריית ספר ויכבוש אותה, אתן לאישה את עַכְסָה בתי". 17 עָתְנִיאֵל ממשפחת קְנַז, אחיו של כלב, כבש את קריית ספר, לכן נתן לו כלב את עכסה בתו לאישה. 18 כאשר באה עכסה אל עתניאל, היא שכנעה אותו שצריך לבקש מאביה שדה. כשירדה מהחמור שאל אותה כלב: "מה בקשתך?".
19 "תן לי מתנת נישואין", השיבה. "נתת לי חלקת אדמה יבשה, תן לי גם בארות מים".
כָּלב נתן לה את הבארות שבמעלה ההר ובמורדותיו. 20 זאת הנחלה שניתנה לבני שבט יהודה לפי משפחותיהם.
21 אלה הערים של שבט יהודה מהקצה הדרומי שבגבול אדום: קַבְצְאֵל, עֵדֶר, יָגוּר, 22 קִינָה, דִימוֹנָה, עַדְעָדָה, 23 קֶדֶשׁ, חָצוֹר, יִתְנָן, 24 זִיף, טֶלֶם, בְּעָלוֹת, 25 חָצוֹר חֲדַתָה, קְרִיוֹת חֶצְרוֹן (חָצוֹר), 26 אֲמָם, שְׁמַע, מוֹלָדָה, 27 חֲצַר גַדָה, חֶשְׁמוֹן, בֵּית פֶּלֶט, 28 חֲצַר שׁוּעָל, בְּאֵר שֶׁבַע ובִזְיוֹתְיָה, 29 בַּעֲלָה, עִיִים, עֶצֶם, 30 אֶלְתוֹלַד, כְּסִיל, חָרְמָה, 31 צִקְלַג, מַדְמַנָה, סַנְסַנָה, 32 לְבָאוֹת, שִׁלְחִים, עַיִן ורִימוֹן. אלה כל עשרים ותשע הערים והכפרים שסביבן.
33 בשפלה: אֶשְׁתָאוֹל, צָרְעָה, אַשְׁנָה, 34 זָנוֹחַ, עֵין גַנִים, תַפּוּחַ, עֵינָם, 35 יַרְמוּת, עֲדוּלָם, שׂוֹכֹה, עֲזֵקָה, 36 שַׁעֲרַיִים, עֲדִיתַיִים, גְדֵרָה וגְדֵרוֹתָיִים – ארבע עשרה ערים והכפרים שסביבן.
37 צְנָן, חֲדָשָה, מִגְדַל גָד, 38 דִלְעָן, המִצְפֶּה, יָקְתְאֵל, 39 לָכִישׁ, בָּצְקַת, עֶגְלוֹן, 40 כַּבּוֹן, לַחְמָס, כִּתְלִיש, 41 גְדֵרוֹת, בֵּית דָגוֹן, נַעֲמָה ומַקֵדָה – שש עשרה ערים והכפרים שסביבן.
42 לִבְנָה, עֶתֶר, עָשָׁן, 43 יִפְתָח, אַשְׁנָה, נְצִיב, 44 קְעִילָה, אַכְזִיב, ומָרֵאשָׁה – תשע ערים והכפרים שסביבן.
45 עֶקְרוֹן והעיירות והכפרים שסביבה. 46 מעֶקרוֹן מערבה, כל הערים שליד אַשְׁדוֹד והכפרים שסביבן. 47 אשדוד והעיירות והכפרים שסביבה, עַזָה והעיירות והכפרים שסביבה עד נחל מצריים [נחל מצריים – ואדי אל עריש] וחוף הים התיכון.
48 באזור ההר: שָׁמִיר, יַתִיר, שׂוֹכֹה, 49 דַנָה, קִרְיַית סַנָה (דְבִיר), 50 עֲנָב, אֶשְׁתְמֹה, עָנִים, 51 גוֹשֶׁן, חוֹלוֹן, גִילֹה – אחת עשרה ערים והכפרים שסביבן.
52 אֲרָב, רוּמָה, אֶשְׁעָן, 53 יָנוּם, בֵּית תַפּוּחַ, אֲפֵקָה, 54 חוּמְטָה, קִרְיַית אַרְבָּע (חֶברוֹן) וצִיעוֹר – תשע ערים והכפרים שסביבן.
55 מָעוֹן, כַּרְמֶל, זִיף, יוּטָה, 56 יִזְרְעֶאל, יָקְדְעָם, זָנוֹח, 57 קַיִן, גִבְעָה ותִמְנָה – עשר ערים והכפרים שסביבן.
58 חַלְחוּל, בֵּית צוּר, גְדוֹר, 59 מַעֲרָת, בֵּית עֲנוֹת ואֶלְתְקוֹן – שש ערים והכפרים שסביבן.
60 קריית בַּעַל (קריית יְעָרִים) והָרַבָּה – שתי ערים והכפרים שסביבן.
61 במדבר: בֵּית הָעֲרָבָה, מִדִין, סְכָכָה, 62 הַנִבְשָׁן, עִיר הַמֶלַח ועֵין גֶדִי – שש ערים והכפרים שסביבן.
63 את היבוסים תושבי ירושלים לא הצליחו בני יהודה לגרש, לכן חיים היבוסים בין בני יהודה בירושלים עד היום.