תנ"ך מבואר

ספר מלכים ב פרק כד

1 בְּיָמָיו עָלָה, נְבֻכַדְנֶאצַּר מֶלֶךְ בָּבֶל; וַיְהִי־לוֹ יְהוֹיָקִים עֶבֶד שָׁלֹשׁ שָׁנִים, וַיָּשָׁב וַיִּמְרָד־בּוֹ. 2 וַיְשַׁלַּח יהוה בּוֹ אֶת־גְּדוּדֵי כַשְׂדִּים וְאֶת־גְּדוּדֵי אֲרָם וְאֵת גְּדוּדֵי מוֹאָב, וְאֵת גְּדוּדֵי בְנֵי־עַמּוֹן, וַיְשַׁלְּחֵם בִּיהוּדָה, לְהַאֲבִידוֹ: כִּדְבַר יהוה־אֲשֶׁר דִּבֶּר, בְּיַד עֲבָדָיו הַנְּבִיאִים. 3 אַךְ עַל־פִּי יהוה, הָיְתָה בִּיהוּדָה, לְהָסִיר, מֵעַל פָּנָיו־בְּחַטֹּאת מְנַשֶּׁה, כְּכֹל אֲשֶׁר עָשָׂה. 4 וְגַם דַּם־הַנָּקִי אֲשֶׁר שָׁפָךְ, וַיְמַלֵּא אֶת־יְרוּשָׁלִַם דָּם נָקִי; וְלֹא־אָבָה יהוה, לִסְלֹחַ.
5 וְיֶתֶר דִּבְרֵי יְהוֹיָקִים, וְכָל־אֲשֶׁר עָשָׂה: הֲלֹא־הֵם כְּתוּבִים, עַל־סֵפֶר דִּבְרֵי הַיָּמִים־לְמַלְכֵי יְהוּדָה. 6 וַיִּשְׁכַּב יְהוֹיָקִים, עִם־אֲבֹתָיו; וַיִּמְלֹךְ יְהוֹיָכִין בְּנוֹ, תַּחְתָּיו.
7 וְלֹא־הֹסִיף עוֹד מֶלֶךְ מִצְרַיִם, לָצֵאת מֵאַרְצוֹ: כִּי־לָקַח מֶלֶךְ בָּבֶל, מִנַּחַל מִצְרַיִם עַד־נְהַר־פְּרָת, כֹּל אֲשֶׁר הָיְתָה, לְמֶלֶךְ מִצְרָיִם. {פ}

8 בֶּן־שְׁמֹנֶה עֶשְׂרֵה שָׁנָה, יְהוֹיָכִין בְּמָלְכוֹ, וּשְׁלֹשָׁה חֳדָשִׁים, מָלַךְ בִּירוּשָׁלִָם; וְשֵׁם אִמּוֹ, נְחֻשְׁתָּא בַת־אֶלְנָתָן מִירוּשָׁלִָם. 9 וַיַּעַשׂ הָרַע, בְּעֵינֵי יהוה, כְּכֹל אֲשֶׁר־עָשָׂה, אָבִיו. 10 בָּעֵת הַהִיא־עלה (עָלוּ) עַבְדֵי נְבֻכַדְנֶאצַּר מֶלֶךְ־בָּבֶל, יְרוּשָׁלִָם; וַתָּבֹא הָעִיר, בַּמָּצוֹר. 11 וַיָּבֹא נְבֻכַדְנֶאצַּר מֶלֶךְ־בָּבֶל, עַל־הָעִיר; וַעֲבָדָיו, צָרִים עָלֶיהָ. 12 וַיֵּצֵא יְהוֹיָכִין מֶלֶךְ־יְהוּדָה, עַל־מֶלֶךְ בָּבֶל, הוּא וְאִמּוֹ, וַעֲבָדָיו וְשָׂרָיו וְסָרִיסָיו; וַיִּקַּח אֹתוֹ מֶלֶךְ בָּבֶל, בִּשְׁנַת שְׁמֹנֶה לְמָלְכוֹ. 13 וַיּוֹצֵא מִשָּׁם, אֶת־כָּל־אוֹצְרוֹת בֵּית יהוה, וְאוֹצְרוֹת, בֵּית הַמֶּלֶךְ; וַיְקַצֵּץ אֶת־כָּל־כְּלֵי הַזָּהָב, אֲשֶׁר עָשָׂה שְׁלֹמֹה מֶלֶךְ־יִשְׂרָאֵל בְּהֵיכַל יהוה, כַּאֲשֶׁר, דִּבֶּר יהוה. 14 וְהִגְלָה אֶת־כָּל־יְרוּשָׁלִַם וְאֶת־כָּל־הַשָּׂרִים וְאֵת כָּל־גִּבּוֹרֵי הַחַיִל, עשרה (עֲשֶׂרֶת) אֲלָפִים גּוֹלֶה, וְכָל־הֶחָרָשׁ, וְהַמַּסְגֵּר: לֹא נִשְׁאַר, זוּלַת דַּלַּת עַם־הָאָרֶץ. 15 וַיֶּגֶל אֶת־יְהוֹיָכִין, בָּבֶלָה; וְאֶת־אֵם הַמֶּלֶךְ וְאֶת־נְשֵׁי הַמֶּלֶךְ וְאֶת־סָרִיסָיו, וְאֵת אולי (אֵילֵי) הָאָרֶץ, הוֹלִיךְ גּוֹלָה מִירוּשָׁלִַם, בָּבֶלָה. 16 וְאֵת כָּל־אַנְשֵׁי הַחַיִל שִׁבְעַת אֲלָפִים, וְהֶחָרָשׁ וְהַמַּסְגֵּר אֶלֶף־הַכֹּל, גִּבּוֹרִים עֹשֵׂי מִלְחָמָה; וַיְבִיאֵם מֶלֶךְ־בָּבֶל גּוֹלָה, בָּבֶלָה. 17 וַיַּמְלֵךְ מֶלֶךְ־בָּבֶל אֶת־מַתַּנְיָה דֹדוֹ, תַּחְתָּיו; וַיַּסֵּב אֶת־שְׁמוֹ, צִדְקִיָּהוּ. {פ}

18 בֶּן־עֶשְׂרִים וְאַחַת שָׁנָה, צִדְקִיָּהוּ בְמָלְכוֹ, וְאַחַת עֶשְׂרֵה שָׁנָה, מָלַךְ בִּירוּשָׁלִָם; וְשֵׁם אִמּוֹ, חמיטל (חֲמוּטַל) בַּת־יִרְמְיָהוּ מִלִּבְנָה. 19 וַיַּעַשׂ הָרַע, בְּעֵינֵי יהוה, כְּכֹל אֲשֶׁר־עָשָׂה, יְהוֹיָקִים. 20 כִּי עַל־אַף יהוה, הָיְתָה בִירוּשָׁלִַם וּבִיהוּדָה, עַד־הִשְׁלִכוֹ אֹתָם, מֵעַל פָּנָיו; וַיִּמְרֹד צִדְקִיָּהוּ, בְּמֶלֶךְ בָּבֶל. {ס}
1 בימיו תקף נְבוּכַדְנֶאצַר מלך בבל את יהודה. יהויקים היה משועבד לו שלוש שנים, ואז חזר בו ומרד. 2 ה' שלח נגד יהודה גדודי צבא מבבל, מארם, ממואב ומבני עמון כדי להשמיד את יהודה, כפי שאמר באמצעות עבדיו הנביאים. 3 אכן, דברי ה' התקיימו, כדי לגרש את יהודה מפניו בגלל כל החטאים שעשה מנשה, 4 וגם כי רצח אנשים חפים מפשע ומילא את ירושלים בדם הנרצחים. ה' לא הסכים לסלוח.
5 יתר קורות יהויקים וכל מה שעשה מתוארים במגילת ההיסטוריה של מלכי יהודה. 6 יהויקים מת ובנו יְהוֹיָכִין מלך במקומו.
7 מלך מצריים לא יצא שוב מארצו, כי מלך בבל כבש את כל מה שהיה שייך למלך מצריים, מנחל מצריים עד נהר פרת.
יהויכין מלך יהודה
8 יהויכין היה בן שמונה עשרה כשהחל למלוך. הוא מלך שלושה חודשים בירושלים, ושם אמו היה נְחוּשְׁתָא בת אֶלְנָתָן מירושלים. 9 הוא עשה את הרע בעיני ה' כפי שעשה אביו. 10 באותו זמן תקפו אנשי נבוכדנאצר מלך בבל את ירושלים ושמו עליה מצור. 11 נבוכדנאצר מלך בבל הגיע אל העיר כשאנשיו צרים עליה, 12 ויהויכין מלך יהודה נכנע למלך בבל, הוא ואמו, עבדיו, שריו ומשרתיו. בשנה השמינית למלכות מלך בבל הִגלה המלך את יהויכין. 13 נבוכדנאצר לקח את כל אוצרות בית ה' ואת כל אוצרות בית המלך. הוא הרס את כל כלי הזהב שעשה שלמה מלך ישראל בהיכל ה', כפי שאמר ה'. 14 הוא הִגלה את כל תושבי ירושלים ואת כל השרים, את כל הלוחמים המנוסים – עשרת אלפים איש, ואת כל היוצרים והמסגרים. רק עניי העם נשארו בירושלים. 15 גם את יהויכין, את אמו, את נשות המלך, את משרתיו ואת נכבדי הארץ הִגלה נבוכדנאצר מירושלים לבבל. 16 את כל אנשי הצבא, שבעת אלפים איש, ואת היוצרים והמסגרים, אלף איש, את כל מי שמסוגל לצאת למלחמה, הביא מלך בבל לגולה בבבל. 17 הוא המליך במקום יהויכין את מַתַנְיָה דוֹדוֹ ושינה את שמו לצִדְקִיָהוּ.
צדקיהו מלך יהודה
18 צדקיהו היה בן עשרים ואחת כשהחל למלוך. הוא מלך אחת עשרה שנה בירושלים, ושם אמו היה חמוטל בת ירמיהו מלִבנָה. 19 הוא עשה את הרע בעיני ה' כפי שעשה יהויקים. 20 ה' כעס מאוד על ירושלים ועל יהודה, עד שהשליך אותם מעל פניו. צדקיהו מרד במלך בבל.