תנ"ך מבואר

ספר יהושוע פרק יב

1 וְאֵלֶּה מַלְכֵי הָאָרֶץ, אֲשֶׁר הִכּוּ בְנֵי־יִשְׂרָאֵל וַיִּרְשׁוּ אֶת־אַרְצָם, בְּעֵבֶר הַיַּרְדֵּן מִזְרְחָה הַשָּׁמֶשׁ; מִנַּחַל אַרְנוֹן עַד־הַר חֶרְמוֹן, וְכָל־הָעֲרָבָה מִזְרָחָה׃
2 סִיחוֹן מֶלֶךְ הָאֱמֹרִי, הַיּוֹשֵׁב בְּחֶשְׁבּוֹן; מֹשֵׁל מֵעֲרוֹעֵר אֲשֶׁר עַל־שְׂפַת־נַחַל אַרְנוֹן וְתוֹךְ הַנַּחַל וַחֲצִי הַגִּלְעָד, וְעַד יַבֹּק הַנַּחַל, גְּבוּל בְּנֵי עַמּוֹן׃ 3 וְהָעֲרָבָה עַד־יָם כִּנְרוֹת מִזְרָחָה, וְעַד יָם הָעֲרָבָה יָם־הַמֶּלַח מִזְרָחָה, דֶּרֶךְ בֵּית הַיְשִׁמוֹת; וּמִתֵּימָן, תַּחַת אַשְׁדּוֹת הַפִּסְגָּה׃
4 וּגְבוּל, עוֹג מֶלֶךְ הַבָּשָׁן, מִיֶּתֶר הָרְפָאִים; הַיּוֹשֵׁב בְּעַשְׁתָּרוֹת וּבְאֶדְרֶעִי׃ 5 וּמֹשֵׁל בְּהַר חֶרְמוֹן וּבְסַלְכָה וּבְכָל־הַבָּשָׁן, עַד־גְּבוּל הַגְּשׁוּרִי וְהַמַּעֲכָתִי; וַחֲצִי הַגִּלְעָד, גְּבוּל סִיחוֹן מֶלֶךְ־חֶשְׁבּוֹן׃ 6 מֹשֶׁה עֶבֶד־יהוה וּבְנֵי יִשְׂרָאֵל הִכּוּם; וַיִּתְּנָהּ מֹשֶׁה עֶבֶד־יהוה יְרֻשָּׁה, לָרֻאוּבֵנִי וְלַגָּדִי, וְלַחֲצִי שֵׁבֶט הַמְנַשֶּׁה׃ {ס}
7 וְאֵלֶּה מַלְכֵי הָאָרֶץ אֲשֶׁר הִכָּה יְהוֹשֻׁעַ וּבְנֵי יִשְׂרָאֵל, בְּעֵבֶר הַיַּרְדֵּן יָמָּה, מִבַּעַל גָּד בְּבִקְעַת הַלְּבָנוֹן, וְעַד־הָהָר הֶחָלָק הָעֹלֶה שֵׂעִירָה; וַיִּתְּנָהּ יְהוֹשֻׁעַ לְשִׁבְטֵי יִשְׂרָאֵל יְרֻשָּׁה כְּמַחְלְקֹתָם׃ 8 בָּהָר וּבַשְּׁפֵלָה, וּבָעֲרָבָה וּבָאֲשֵׁדוֹת, וּבַמִּדְבָּר וּבַנֶּגֶב; הַחִתִּי הָאֱמֹרִי, וְהַכְּנַעֲנִי הַפְּרִזִּי, הַחִוִּי וְהַיְבוּסִי׃ {פ}
9 מֶלֶךְ יְרִיחוֹ אֶחָד; מֶלֶךְ הָעַי אֲשֶׁר־מִצַּד בֵּית־אֵל אֶחָד׃ 10 מֶלֶךְ יְרוּשָׁלָיִם אֶחָד, מֶלֶךְ חֶבְרוֹן אֶחָד׃ 11 מֶלֶךְ יַרְמוּת אֶחָד, מֶלֶךְ לָכִישׁ אֶחָד׃ 12 מֶלֶךְ עֶגְלוֹן אֶחָד, מֶלֶךְ גֶּזֶר אֶחָד׃ 13 מֶלֶךְ דְּבִר אֶחָד, מֶלֶךְ גֶּדֶר אֶחָד׃ 14 מֶלֶךְ חָרְמָה אֶחָד, מֶלֶךְ עֲרָד אֶחָד׃ 15 מֶלֶךְ לִבְנָה אֶחָד, מֶלֶךְ עֲדֻלָּם אֶחָד׃ 16 מֶלֶךְ מַקֵּדָה אֶחָד, מֶלֶךְ בֵּית־אֵל אֶחָד׃ 17 מֶלֶךְ תַּפּוּחַ אֶחָד, מֶלֶךְ חֵפֶר אֶחָד׃ 18 מֶלֶךְ אֲפֵק אֶחָד, מֶלֶךְ לַשָּׁרוֹן אֶחָד׃ 19 מֶלֶךְ מָדוֹן אֶחָד, מֶלֶךְ חָצוֹר אֶחָד׃ 20 מֶלֶךְ שִׁמְרוֹן מְראוֹן אֶחָד, מֶלֶךְ אַכְשָׁף אֶחָד׃ 21 מֶלֶךְ תַּעְנַךְ אֶחָד, מֶלֶךְ מְגִדּוֹ אֶחָד׃ 22 מֶלֶךְ קֶדֶשׁ אֶחָד, מֶלֶךְ־יָקְנֳעָם לַכַּרְמֶל אֶחָד׃ 23 מֶלֶךְ דּוֹר לְנָפַת דּוֹר אֶחָד; מֶלֶךְ־גּוֹיִם לְגִלְגָּל אֶחָד׃ 24 מֶלֶךְ תִּרְצָה אֶחָד; כָּל־מְלָכִים שְׁלֹשִׁים וְאֶחָד׃ {פ}
המלכים שנוצחו
1 אלה המלכים שניצחו בני ישראל וכבשו את ארצם ממזרח לירדן, מנחל ארנון עד הר חרמון, כולל עמק הירדן המזרחי:
2 סיחון מלך האמורים, שמלך בחשבון, משל מעֲרוֹעֵר שלשפת נחל ארנון ומעמק ארנון, עד נחל יַבּוֹק שבגבול בני עמון, כולל חצי מהגלעד. 3 הוא משל גם בעמק הירדן, מהקצה המזרחי של הכינרת עד הקצה המזרחי של ים הערבה (ים המלח) דרך בית הַיְשִׁימוֹת ועד מורדות הפסגה מדרום.
4 ארצו של עוג מלך הבשן, אחד הרְפָאים [רפאים – שבט של ענקים שחיו ממזרח לירדן] האחרונים שמָלך בעַשְׁתָרוֹת ובאֶדְרֶעִי 5 ומשל בהר חרמון ובסַלְכָה, בכל הבשן עד גבול גְשוּר ומַעֲכָה ועד חצי מהגלעד, עד הגבול עם סיחון מלך חשבון. 6 משה עבד ה' ובני ישראל ניצחו אותם, ומשה עבד ה' נתן את ארצם כנחלה לשבט ראובן, לשבט גד ולחצי שבט מנשה.
7 אלה מלכי הארץ שניצחו יהושע ובני ישראל ממערב לירדן, מבעל גד שבבקעת הלבנון ועד ההר החלק שהדרך לשֵׂעיר עולה ממנו (הארץ שחילק יהושע לנחלות ונתן לשבטי ישראל – 8 אזור ההר, השפלה, עמק הירדן ומורדות ההרים, המדבר והנגב – ארצם של החיתים, האמורים, הכנענים, הפריזים, החיווים והיבוסים):
9 מלך יריחו, מלך העיי שליד בית אל, 10 מלך ירושלים, מלך חברון, 11 מלך יַרְמוּת, מלך לָכִיש, 12 מלך עֶגְלוֹן, מלך גֶזֶר, 13 מלך דְבִיר, מלך גֶדֶר, 14 מלך חָרְמָה, מלך עֲרָד, 15 מלך לִבְנָה, מלך עֲדוּלָם, 16 מלך מַקֵדָה, מלך בית אל, 17 מלך תפוח, מלך חֵפֶר, 18 מלך אֲפֵק, מלך השרון, 19 מלך מָדוֹן, מלך חָצוֹר, 20 מלך שִׁמְרוֹן מְרֹאוֹן, מלך אַכְשָׁף, 21 מלך תַעְנַךְ, מלך מגידו, 22 מלך קֶדֶש, מלך יָקְנְעָם שבכרמל, 23 מלך דוֹר מאזור דוֹר, מלך גוֹיִים שבגִלגל 24 ומלך תִרְצָה. סך הכול שלושים ואחד מלכים.