תנ"ך מבואר

ספר זכריה פרק ג

1 וַיַּרְאֵנִי, אֶת־יְהוֹשֻׁעַ הַכֹּהֵן הַגָּדוֹל, עֹמֵד לִפְנֵי מַלְאַךְ יהוה; וְהַשָּׂטָן עֹמֵד עַל־יְמִינוֹ לְשִׂטְנוֹ׃ 2 וַיֹּאמֶר יהוה אֶל־הַשָּׂטָן, יִגְעַר יהוה בְּךָ הַשָּׂטָן, וְיִגְעַר יהוה בְּךָ, הַבֹּחֵר בִּירוּשָׁלָיִם; הֲלוֹא זֶה אוּד מֻצָּל מֵאֵשׁ׃ 3 וִיהוֹשֻׁעַ הָיָה לָבֻשׁ בְּגָדִים צוֹאִים; וְעֹמֵד לִפְנֵי הַמַּלְאָךְ׃ 4 וַיַּעַן וַיֹּאמֶר, אֶל־הָעֹמְדִים לְפָנָיו לֵאמֹר, הָסִירוּ הַבְּגָדִים הַצֹּאִים מֵעָלָיו; וַיֹּאמֶר אֵלָיו, רְאֵה הֶעֱבַרְתִּי מֵעָלֶיךָ עֲוֹנֶךָ, וְהַלְבֵּשׁ אֹתְךָ מַחֲלָצוֹת׃ 5 וָאֹמַר יָשִׂימוּ צָנִיף טָהוֹר עַל־רֹאשׁוֹ; וַיָּשִׂימוּ הַצָּנִיף הַטָּהוֹר עַל־רֹאשׁוֹ, וַיַּלְבִּשֻׁהוּ בְּגָדִים, וּמַלְאַךְ יהוה עֹמֵד׃ 6 וַיָּעַד מַלְאַךְ יהוה, בִּיהוֹשֻׁעַ לֵאמֹר׃ 7 כֹּה־אָמַר יהוה צְבָאוֹת, אִם־בִּדְרָכַי תֵּלֵךְ וְאִם אֶת־מִשְׁמַרְתִּי תִשְׁמֹר, וְגַם־אַתָּה תָּדִין אֶת־בֵּיתִי, וְגַם תִּשְׁמֹר אֶת־חֲצֵרָי; וְנָתַתִּי לְךָ מַהְלְכִים, בֵּין הָעֹמְדִים הָאֵלֶּה׃ 8 שְׁמַע־נָא יְהוֹשֻׁעַ הַכֹּהֵן הַגָּדוֹל, אַתָּה וְרֵעֶיךָ הַיֹּשְׁבִים לְפָנֶיךָ, כִּי־אַנְשֵׁי מוֹפֵת הֵמָּה; כִּי־הִנְנִי מֵבִיא אֶת־עַבְדִּי צֶמַח׃ 9 כִּי הִנֵּה הָאֶבֶן, אֲשֶׁר נָתַתִּי לִפְנֵי יְהוֹשֻׁעַ, עַל־אֶבֶן אַחַת שִׁבְעָה עֵינָיִם; הִנְנִי מְפַתֵּחַ פִּתֻּחָהּ, נְאֻם יהוה צְבָאוֹת, וּמַשְׁתִּי אֶת־עֲוֹן הָאָרֶץ־הַהִיא בְּיוֹם אֶחָד׃ 10 בַּיּוֹם הַהוּא, נְאֻם יהוה צְבָאוֹת, תִּקְרְאוּ אִישׁ לְרֵעֵהוּ; אֶל־תַּחַת גֶּפֶן וְאֶל־תַּחַת תְּאֵנָה׃
המלאך והכוהן הגדול
1 הוא הראה לי את יהושע הכוהן הגדול עומד לפני מלאך ה' והשטן עומד לימינו כדי להאשים אותו. 2 ה' אמר לשטן: "ה' גוער בך, השטן, ה' הבוחר בירושלים גוער בך. הלוא האיש הזה הוא מקל בוער שניצל מאש!". 3 יהושע היה לבוש בגדים מלוכלכים ועמד לפני המלאך. 4 המלאך אמר לעומדים לפניו: "הסירו מעליו את הבגדים המלוכלכים", וליהושע אמר: "ראה, הסרתי מעליך את חטאך ואלביש אותך בגדים מפוארים". 5 אמרתי: "שימו כיסוי נקי על ראשו", והם שמו את הכיסוי הנקי על ראשו והלבישו אותו בגדים. מלאך ה' עמד שם. 6 מלאך ה' פנה ליהושע ואמר 7 שכך אמר ה' צבאות: "אם תלך בדרכיי ותקפיד לשמור את חוקיי, אתה גם תנהל את ביתי, תשמור את חצרותיי, ואתן לך מעמד בין אלה שעומדים כאן. 8 שְמע, יהושע הכוהן הגדול, אתה וחבריך היושבים לפניך, שהם דוגמה למה שיהיה: אני עומד להביא את עבדי, את צמח. 9 הנה האבן שהצבתי לפני יהושע. יש על האבן הזאת שבע עיניים ואני אחקוק עליה כתובת", אמר ה' צבאות. "אטהר את הארץ ההיא מחטא ביום אחד. 10 ביום ההוא", אמר ה' צבאות, "תזמינו זה את זה לשבת מתחת לגפן ומתחת לעץ התאנה".