לוקס פרק ד' 16-30 דברי ישוע בבית הכנסת בנצרת על דבר תפקידו כמשיח   קריאת פתיח: פרשת ניצבים, ספר דברים כט פסוק 9 עד סוף פרק ל: 9 אַתֶּם נִצָּבִים הַיּוֹם כֻּלְּכֶם, לִפְנֵי יהוה אֱלֹהֵיכֶם; רָאשֵׁיכֶם שִׁבְטֵיכֶם, זִקְנֵיכֶם וְשֹׁטְרֵיכֶם, כֹּל אִישׁ יִשְׂרָאֵל׃ 10 טַפְּכֶם נְשֵׁיכֶם, וְגֵרְךָ, אֲשֶׁר בְּקֶרֶב מַחֲנֶיךָ; מֵחֹטֵב עֵצֶיךָ, עַד שֹׁאֵב מֵימֶיךָ׃ 11 לְעָבְרְךָ, בִּבְרִית יהוה אֱלֹהֶיךָ וּבְאָלָתוֹ; אֲשֶׁר יהוה אֱלֹהֶיךָ, כֹּרֵת עִמְּךָ הַיּוֹם׃ 12 לְמַעַן הָקִים־אֹתְךָ הַיּוֹם לוֹ לְעָם, וְהוּא יִהְיֶה־לְּךָ לֵאלֹהִים, כַּאֲשֶׁר דִּבֶּר־לָךְ; וְכַאֲשֶׁר נִשְׁבַּע לַאֲבֹתֶיךָ, [...]