תנ"ך מבואר

ספר יונה פרק ב

1 וַיְמַן יהוה דָּג גָּדוֹל, לִבְלֹעַ אֶת־יוֹנָה; וַיְהִי יוֹנָה בִּמְעֵי הַדָּג, שְׁלֹשָׁה יָמִים וּשְׁלֹשָׁה לֵילוֹת׃ 2 וַיִּתְפַּלֵּל יוֹנָה, אֶל־יהוה אֱלֹהָיו; מִמְּעֵי הַדָּגָה׃ 3 וַיֹּאמֶר,
קָרָאתִי מִצָּרָה לִי אֶל־יהוה וַיַּעֲנֵנִי; מִבֶּטֶן שְׁאוֹל שִׁוַּעְתִּי שָׁמַעְתָּ קוֹלִי׃
4 וַתַּשְׁלִיכֵנִי מְצוּלָה בִּלְבַב יַמִּים, וְנָהָר יְסֹבְבֵנִי; כָּל־מִשְׁבָּרֶיךָ וְגַלֶּיךָ עָלַי עָבָרוּ׃
5 וַאֲנִי אָמַרְתִּי, נִגְרַשְׁתִּי מִנֶּגֶד עֵינֶיךָ; אַךְ אוֹסִיף לְהַבִּיט, אֶל־הֵיכַל קָדְשֶׁךָ׃
6 אֲפָפוּנִי מַיִם עַד־נֶפֶשׁ, תְּהוֹם יְסֹבְבֵנִי; סוּף חָבוּשׁ לְרֹאשִׁי׃

7 לְקִצְבֵי הָרִים יָרַדְתִּי, הָאָרֶץ בְּרִחֶיהָ בַעֲדִי לְעוֹלָם; וַתַּעַל מִשַּׁחַת חַיַּי יהוה אֱלֹהָי׃
8 בְּהִתְעַטֵּף עָלַי נַפְשִׁי, אֶת־יהוה זָכָרְתִּי; וַתָּבוֹא אֵלֶיךָ תְּפִלָּתִי, אֶל־הֵיכַל קָדְשֶׁךָ׃
9 מְשַׁמְּרִים הַבְלֵי־שָׁוְא; חַסְדָּם יַעֲזֹבוּ׃
10 וַאֲנִי, בְּקוֹל תּוֹדָה אֶזְבְּחָה־לָּךְ, אֲשֶׁר נָדַרְתִּי אֲשַׁלֵּמָה; יְשׁוּעָתָה לַיהוָה׃ {ס}
11 וַיֹּאמֶר יהוה לַדָּג; וַיָּקֵא אֶת־יוֹנָה אֶל־הַיַּבָּשָׁה׃ {פ}
יונה בבטן הדג
1 ה' שלח דג גדול לבלוע את יונה. יונה היה בבטן הדג שלושה ימים ושלושה לילות, 2 ומבטן הדג התפלל לה' אלוהיו 3 ואמר:
"ה', זעקתי אליך כשהייתי בצרה, ואתה ענית לי, ממעמקי השאול צעקתי לעזרה ושמעת את קולי.
4 כעת השלכת אותי למעמקים, לאמצע הים. זרם מים סובב אותי, כל גליך שוטפים אותי.
5 אני חשבתי שגורשתי מפניך אבל אמשיך להביט אל היכל קודשך.
6 מים מכסים אותי עד מעל הצוואר, מי הים העמוקים מקיפים אותי, עשב ים עוטף את ראשי,
7 ירדתי עד תחתיות ההרים. הארץ נעלה עליי את שעריה לעולם אבל אתה חילצת אותי מהבור, ה' אלוהיי!
8 כשלא נותר בי כוח זכרתי אותך, ה', ותפילתי הגיעה אליך, אל היכל קודשך.
9 אלה שעובדים אלילים עלובים עוזבים את מקור חסדם,
10 אבל אני, בקול תודה אקריב לך קרבנות, אקיים את מה שנדרתי. הישועה מה'!".
11 ה' אמר לדג להקיא את יונה, והדג הקיא אותו אל היבשה.