תנ"ך מבואר

ספר ישעיהו פרק לט

1 בָּעֵת הַהִוא שָׁלַח מְרֹדַךְ בַּלְאֲדָן בֶּן־בַּלְאֲדָן מֶלֶךְ־בָּבֶל סְפָרִים וּמִנְחָה אֶל־חִזְקִיָּהוּ; וַיִּשְׁמַע כִּי חָלָה וַיֶּחֱזָק׃ 2 וַיִּשְׂמַח עֲלֵיהֶם חִזְקִיָּהוּ, וַיַּרְאֵם אֶת־בֵּית נְכֹתָה (נְכֹתוֹ) אֶת־הַכֶּסֶף וְאֶת־הַזָּהָב וְאֶת־הַבְּשָׂמִים וְאֵת הַשֶּׁמֶן הַטּוֹב, וְאֵת כָּל־בֵּית כֵּלָיו, וְאֵת כָּל־אֲשֶׁר נִמְצָא בְּאֹצְרֹתָיו; לֹא־הָיָה דָבָר, אֲשֶׁר לֹא־הֶרְאָם חִזְקִיָּהוּ בְּבֵיתוֹ וּבְכָל־מֶמְשַׁלְתּוֹ׃
3 וַיָּבֹא יְשַׁעְיָהוּ הַנָּבִיא, אֶל־הַמֶּלֶךְ חִזְקִיָּהוּ; וַיֹּאמֶר אֵלָיו מָה אָמְרוּ הָאֲנָשִׁים הָאֵלֶּה, וּמֵאַיִן יָבֹאוּ אֵלֶיךָ,
וַיֹּאמֶר חִזְקִיָּהוּ, מֵאֶרֶץ רְחוֹקָה בָּאוּ אֵלַי מִבָּבֶל׃
4 וַיֹּאמֶר מָה רָאוּ בְּבֵיתֶךָ;
וַיֹּאמֶר חִזְקִיָּהוּ, אֵת כָּל־אֲשֶׁר בְּבֵיתִי רָאוּ, לֹא־הָיָה דָבָר אֲשֶׁר לֹא־הִרְאִיתִים בְּאוֹצְרֹתָי׃
5 וַיֹּאמֶר יְשַׁעְיָהוּ אֶל־חִזְקִיָּהוּ; שְׁמַע דְּבַר־יהוה צְבָאוֹת׃ 6 הִנֵּה יָמִים בָּאִים, וְנִשָּׂא כָּל־אֲשֶׁר בְּבֵיתֶךָ, וַאֲשֶׁר אָצְרוּ אֲבֹתֶיךָ עַד־הַיּוֹם הַזֶּה בָּבֶל; לֹא־יִוָּתֵר דָּבָר אָמַר יהוה׃ 7 וּמִבָּנֶיךָ אֲשֶׁר יֵצְאוּ מִמְּךָ אֲשֶׁר תּוֹלִיד יִקָּחוּ; וְהָיוּ סָרִיסִים, בְּהֵיכַל מֶלֶךְ בָּבֶל׃
8 וַיֹּאמֶר חִזְקִיָּהוּ אֶל־יְשַׁעְיָהוּ, טוֹב דְּבַר־יהוה אֲשֶׁר דִּבַּרְתָּ; וַיֹּאמֶר כִּי יִהְיֶה שָׁלוֹם וֶאֱמֶת בְּיָמָי׃ {פ}
1 באותו זמן שלח מְרֹאדַךְ בַּלְאֲדָן בן בַּלְאֲדָן, מלך בבל, מכתבים ומתנה לחזקיהו, כי שמע שחזקיהו חלה ונרפא. 2 חזקיהו שמח על בוא השליחים. הוא הראה להם את כל בית נְכוֹתוֹ* [נכותו – כנראה בית האוצר] – את הכסף ואת הזהב ואת הבשמים ואת השמן הטוב, את כל מחסני הנשק שלו ואת כל מה שהיה באוצרותיו. לא היה דבר שחזקיהו לא הראה להם בביתו ובכל ממלכתו.
3 ישעיהו הנביא בא אל המלך חזקיהו ושאל אותו: "מה אמרו האנשים האלה? מאין באו אליך?".
"מארץ רחוקה הם באו אליי, מבבל", השיב חזקיהו.
4 "מה ראו בביתך?", שאל ישעיהו.
"את כל מה שיש בביתי הם ראו", אמר חזקיהו. "לא היה דבר באוצרותיי שלא הראיתי להם".
5 ישעיהו אמר לחזקיהו: "שמע מה שה' צבאות אומר, 6 'יבוא יום שכל מה שבביתך ושאבותיך אספו עד היום ילקח לבבל. דבר לא ישאר'. כך אמר ה'. 7 'גם מהבנים שיהיו לך, מהצאצאים שיוולדו לך, יקחו אחדים לשרת בארמון מלך בבל' ".
8 חזקיהו אמר לישעיהו: "טוב הדבר שאמרת בשם ה' ", כי חשב: "בימיי יהיו שלום ויציבות".