תנ"ך מבואר

ספר בראשית פרק כה

וַיֹּסֶף אַבְרָהָם וַיִּקַּח אִשָּׁה וּשְׁמָהּ קְטוּרָה׃
2 וַתֵּלֶד לוֹ, אֶת־זִמְרָן וְאֶת־יָקְשָׁן, וְאֶת־מְדָן וְאֶת־מִדְיָן; וְאֶת־יִשְׁבָּק וְאֶת־שׁוּחַ׃



3 וְיָקְשָׁן יָלַד, אֶת־שְׁבָא וְאֶת־דְּדָן;

וּבְנֵי דְדָן, הָיוּ אַשּׁוּרִם וּלְטוּשִׁים וּלְאֻמִּים׃


4 וּבְנֵי מִדְיָן, עֵיפָה וָעֵפֶר וַחֲנֹךְ, וַאֲבִידָע וְאֶלְדָּעָה;


כָּל־אֵלֶּה בְּנֵי קְטוּרָה׃
5 וַיִּתֵּן אַבְרָהָם אֶת־כָּל־אֲשֶׁר־לוֹ לְיִצְחָק׃ 6 וְלִבְנֵי הַפִּילַגְשִׁים אֲשֶׁר לְאַבְרָהָם, נָתַן אַבְרָהָם מַתָּנֹת; וַיְשַׁלְּחֵם מֵעַל יִצְחָק בְּנוֹ בְּעוֹדֶנּוּ חַי, קֵדְמָה אֶל־אֶרֶץ קֶדֶם׃ 7 וְאֵלֶּה, יְמֵי שְׁנֵי־חַיֵּי אַבְרָהָם אֲשֶׁר־חָי; מְאַת שָׁנָה וְשִׁבְעִים שָׁנָה וְחָמֵשׁ שָׁנִים׃ 8 וַיִּגְוַע וַיָּמָת אַבְרָהָם בְּשֵׂיבָה טוֹבָה זָקֵן וְשָׂבֵעַ; וַיֵּאָסֶף אֶל־עַמָּיו׃ 9 וַיִּקְבְּרוּ אֹתוֹ יִצְחָק וְיִשְׁמָעֵאל בָּנָיו, אֶל־מְעָרַת הַמַּכְפֵּלָה; אֶל־שְׂדֵה עֶפְרֹן בֶּן־צֹחַר הַחִתִּי, אֲשֶׁר עַל־פְּנֵי מַמְרֵא׃ 10 הַשָּׂדֶה אֲשֶׁר־קָנָה אַבְרָהָם מֵאֵת בְּנֵי־חֵת; שָׁמָּה קֻבַּר אַבְרָהָם וְשָׂרָה אִשְׁתּוֹ׃ 11 וַיְהִי, אַחֲרֵי מוֹת אַבְרָהָם, וַיְבָרֶךְ אֱלֹהִים אֶת־יִצְחָק בְּנוֹ; וַיֵּשֶׁב יִצְחָק, עִם־בְּאֵר לַחַי רֹאִי׃ {ס}

12 וְאֵלֶּה תֹּלְדֹת יִשְׁמָעֵאל בֶּן־אַבְרָהָם; אֲשֶׁר יָלְדָה הָגָר הַמִּצְרִית שִׁפְחַת שָׂרָה לְאַבְרָהָם׃ 13 וְאֵלֶּה, שְׁמוֹת בְּנֵי יִשְׁמָעֵאל, בִּשְׁמֹתָם לְתוֹלְדֹתָם;
בְּכֹר יִשְׁמָעֵאל נְבָיֹת, וְקֵדָר וְאַדְבְּאֵל וּמִבְשָׂם׃ 14 וּמִשְׁמָע וְדוּמָה וּמַשָּׂא׃ 15 חֲדַד וְתֵימָא, יְטוּר נָפִישׁ וָקֵדְמָה׃




16 אֵלֶּה הֵם בְּנֵי יִשְׁמָעֵאל וְאֵלֶּה שְׁמֹתָם, בְּחַצְרֵיהֶם וּבְטִירֹתָם; שְׁנֵים־עָשָׂר נְשִׂיאִם לְאֻמֹּתָם׃ 17 וְאֵלֶּה, שְׁנֵי חַיֵּי יִשְׁמָעֵאל, מְאַת שָׁנָה וּשְׁלֹשִׁים שָׁנָה וְשֶׁבַע שָׁנִים; וַיִּגְוַע וַיָּמָת, וַיֵּאָסֶף אֶל־עַמָּיו׃ 18 וַיִּשְׁכְּנוּ מֵחֲוִילָה עַד־שׁוּר, אֲשֶׁר עַל־פְּנֵי מִצְרַיִם, בֹּאֲכָה אַשּׁוּרָה; עַל־פְּנֵי כָל־אֶחָיו נָפָל׃ {פ}

19 וְאֵלֶּה תּוֹלְדֹת יִצְחָק בֶּן־אַבְרָהָם; אַבְרָהָם הוֹלִיד אֶת־יִצְחָק׃ 20 וַיְהִי יִצְחָק בֶּן־אַרְבָּעִים שָׁנָה, בְּקַחְתּוֹ אֶת־רִבְקָה, בַּת־בְּתוּאֵל הָאֲרַמִּי, מִפַּדַּן אֲרָם; אֲחוֹת לָבָן הָאֲרַמִּי לוֹ לְאִשָּׁה׃ 21 וַיֶּעְתַּר יִצְחָק לַיהוָה לְנֹכַח אִשְׁתּוֹ, כִּי עֲקָרָה הִוא; וַיֵּעָתֶר לוֹ יהוה, וַתַּהַר רִבְקָה אִשְׁתּוֹ׃ 22 וַיִּתְרֹצֲצוּ הַבָּנִים בְּקִרְבָּהּ, וַתֹּאמֶר אִם־כֵּן, לָמָּה זֶּה אָנֹכִי;
וַתֵּלֶךְ לִדְרֹשׁ אֶת־יהוה׃ 23 וַיֹּאמֶר יהוה לָהּ, שְׁנֵי גיים (גוֹיִם) בְּבִטְנֵךְ, וּשְׁנֵי לְאֻמִּים, מִמֵּעַיִךְ יִפָּרֵדוּ; וּלְאֹם מִלְאֹם יֶאֱמָץ, וְרַב יַעֲבֹד צָעִיר׃
24 וַיִּמְלְאוּ יָמֶיהָ לָלֶדֶת; וְהִנֵּה תוֹמִם בְּבִטְנָהּ׃ 25 וַיֵּצֵא הָרִאשׁוֹן אַדְמוֹנִי, כֻּלּוֹ כְּאַדֶּרֶת שֵׂעָר; וַיִּקְרְאוּ שְׁמוֹ עֵשָׂו׃ 26 וְאַחֲרֵי־כֵן יָצָא אָחִיו, וְיָדוֹ אֹחֶזֶת בַּעֲקֵב עֵשָׂו, וַיִּקְרָא שְׁמוֹ יַעֲקֹב; וְיִצְחָק בֶּן־שִׁשִּׁים שָׁנָה בְּלֶדֶת אֹתָם׃
27 וַיִּגְדְּלוּ הַנְּעָרִים, וַיְהִי עֵשָׂו, אִישׁ יֹדֵעַ צַיִד אִישׁ שָׂדֶה; וְיַעֲקֹב אִישׁ תָּם, יֹשֵׁב אֹהָלִים׃ 28 וַיֶּאֱהַב יִצְחָק אֶת־עֵשָׂו כִּי־צַיִד בְּפִיו; וְרִבְקָה אֹהֶבֶת אֶת־יַעֲקֹב׃ 29 וַיָּזֶד יַעֲקֹב נָזִיד; וַיָּבֹא עֵשָׂו מִן־הַשָּׂדֶה וְהוּא עָיֵף׃ 30 וַיֹּאמֶר עֵשָׂו אֶל־יַעֲקֹב, הַלְעִיטֵנִי נָא מִן־הָאָדֹם הָאָדֹם הַזֶּה, כִּי עָיֵף אָנֹכִי; עַל־כֵּן קָרָא־שְׁמוֹ אֱדוֹם׃
31 וַיֹּאמֶר יַעֲקֹב; מִכְרָה כַיּוֹם אֶת־בְּכֹרָתְךָ לִי׃
32 וַיֹּאמֶר עֵשָׂו, הִנֵּה אָנֹכִי הוֹלֵךְ לָמוּת; וְלָמָּה־זֶּה לִי בְּכֹרָה׃
33 וַיֹּאמֶר יַעֲקֹב, הִשָּׁבְעָה לִּי כַּיּוֹם,
וַיִּשָּׁבַע לוֹ; וַיִּמְכֹּר אֶת־בְּכֹרָתוֹ לְיַעֲקֹב׃ 34 וְיַעֲקֹב נָתַן לְעֵשָׂו, לֶחֶם וּנְזִיד עֲדָשִׁים, וַיֹּאכַל וַיֵּשְׁתְּ, וַיָּקָם וַיֵּלַךְ; וַיִּבֶז עֵשָׂו אֶת־הַבְּכֹרָה׃ {ס}
צאצאי קטורה (פסוקים 1-4)
אברהם לקח עוד אישה ושמה קְטוּרָה.
צאצאי קטורה הם:
זִמְרָן יָקְשָׁן מְדָן מִדְיָין יִשְׁבָּק שׁוּחַ;
בני יָקשָׁן הם:
שְׁבָא דְדָן.
צאצאי דְדָן הם:
הָאַשׁוּרִים הַלְטוּשִׁים הַלְאוּמִים;
ובני מִדְיָין הם:
עֵיפָה עֵפֶר חֲנוֹךְ אֲבִידָע אֶלְדָעָה
5 עוד לפני מותו נתן אברהם את כל רכושו ליצחק. 6 גם לבני פילגשיו נתן מתנות והרחיק אותם מיצחק אל המזרח. 7 אברהם חי מאה שבעים וחמש שנה. 8 הוא מת בשֵׂיבָה טובה, זקן ושְׂבַע ימים. 9 יצחק וישמעאל בניו קברו אותו במערת המכפלה בשדה של עֶפרון בן צוחר החיתי, ליד ממרא, 10 השדה שקנה אברהם מבני חת. שם נקברו אברהם ושרה אשתו. 11 אחרי מות אברהם בירך אלוהים את יצחק בנו. יצחק התגורר אז ליד באר לחַי רואי.
תולדות ישמעאל (פסוקים 15-12)
12 אלה תולדות ישמעאל, הבן שילדה הגר, שפחתה המצרית של שרה, לאברהם. 13 אלה שמות בני יִשְׁמָעֵאל לפי סדר הולדתם:
נְבָיוֹת הבכור קֵדָר אַדְבְּאֵל מִבְשָׂם מִשְׁמָע דוּמָה מַשָׂא חֲדַד תֵימָא יְטוּר נָפִישׁ קֵדְמָה
16 אלה הם בני ישמעאל ואלה גם שמות ראשי שנים עשר השבטים בכפרים ובמאהלים שלהם. 17 ישמעאל מת כשהיה בן מאה שלושים ושבע. 18 בני ישמעאל התגוררו בקרבת בני משפחת ישמעאל האחרים, באזור שבין חֲוִוילָה לשׁוּר, מול מצריים, בדרך לאַשׁוּר.
יעקב ועשיו
19 אלה קורות יצחק בן אברהם: אברהם הוליד את יצחק. 20 יצחק היה בן ארבעים כשלקח לאישה את רבקה בת בתואל הארמי מפַּדַן אֲרָם, אחות לבן. 21 יצחק התפלל בעד אשתו שהייתה עקרה. אלוהים נענה לו ורבקה הרתה. 22 הבנים שבבטנה דחפו זה את זה והיא שאלה: "למה זה קורה לי?".
רבקה הלכה לשאול את ה', 23 וה' השיב לה: "שני עמים בבטנך, ושני לאומים יֵצאו ממך. האחד יהיה חזק מהשני, והבכור ישרת את הצעיר".
24 מועד הלידה הגיע ואכן בבטנה של רבקה היו תאומים. 25 הראשון יצא אדמוני וכולו שעיר, לכן קראו לו עֵשָׂיו. 26 אחריו יצא אחיו כשידו אוחזת בעקב עשיו, לכן קראו לו יַעֲקֹב. יצחק היה בן שישים כשנולדו בניו.
27 הנערים גדלו. עשיו היה צייד מנוסה והִרבה לשהות בשדה, ויעקב היה איש שָׁלֵו שהִרבה לשהות באוהלים. 28 יצחק אהב את עשיו בגלל בשר הציד שנהג להביא לו לאכול, ורבקה אהבה את יעקב. 29 באחד הימים הכין יעקב תבשיל. עשיו בא עייף מהשדה 30 וביקש מיעקב: "תן לי לאכול מהתבשיל האדום האדום הזה כי אני חלש מרוב רעב". לכן נקרא עשיו אֱדוֹם.
31 "מְכוֹר לי עכשיו את הבכורה שלך תמורת התבשיל", השיב יעקב.
32 "אני עומד למות. לשם מה אני צריך את הבכורה?", אמר עשיו.
33 "הישבע לי עכשיו", ביקש יעקב.
עשיו נשבע, וכך מכר את בכורתו. 34 יעקב נתן לו לחם ותבשיל עדשים. עשיו אכל, שתה, קם והלך לו. הוא בז לבכורה.